Almaty qalasynyń aýmaqtyq sailaý komissiiasy Almaty qalasy máslihaty depýtattaryn sailaý qorytyndylaryn shyǵardy, dep habarlaidy "Ult aqparat".
Saiasi partiialardyń Almaty qalasy máslihaty depýtattyǵyna kandidattardy usynýy eki ai buryn bastalyp, sailaý kúnine bir ai qalǵanda jergilikti ýaqyt boiynsha 18.00-de aiaqtalǵan. Almaty qalasynyń aýmaqtyq sailaý komissiiasy 5 saiasi partiiadan 118 kandidatty tirkepti.
«Almaty qalasy máslihaty sailaýynyń qorytyndylaryna sáikes partiialyq tizimder boiynsha daýystar mynadai bolyp bólindi: sailaýshylardyń 68,11% «Nur Otan» partiiasyna daýys berdi, Qazaqstannyń «Aq jol» demokratiialyq partiiasy 10,11% daýysqa ie boldy, «Aýyl» demokratiialyq patriottyq partiiasy sailaýshylardyń 7,68% daýysyn aldy, Qazaqstan halyq partiiasy - 7,31% jáne «Adal» saiasi partiiasy - 6,79% daýys aldy», - deidi Almaty qalasy aýmaqtyq sailaý komissiiasynyń tóraiymy Janna Asanova.
Almaty qalasy aýmaqtyq sailaý komissiiasynyń sheshimine sáikes daýys berý qorytyndylary boiynsha saiasi partiialar arasynda depýtattyq mandattardy bólý kezegi anyqtaldy.
Janna Asanova aitýynsha, «Nur Otan» partiiasy 29 depýtattyq mandat aldy, Qazaqstannyń «Aq jol» demokratiialyq partiiasy 4 mandatqa ie boldy, al «Aýyl» demokratiialyq patriottyq partiiasy men Qazaqstan halyq partiiasy árqaisysy 3 mandattan aldy.
Eske salaiyq, partiialyq tizim boiynsha Almaty qalasy máslihatyna daýys berý 2021 jyldyń 10-shy qańtarynda jergilikti ýaqyt boiynsha saǵat 7.00-den 20.00-ge deiin ótti. Sailaýshylardyń belsendiligi 30,25% paiyzdy qurady.
