Almaty qalasy Mádeniet basqarmasynyń jańa basshysy bolyp Nurlan Sydyqov taǵaiyndaldy, dep habarlaidy "Ult aqparat" qala ákimdiginiń baspasóz qyzmetine silteme jasap.
Buǵan deiin ol Almaty qalasy Ishki saiasat basqarmasynyń basshysy bolǵan. Túrli jyldary Almaty qalasy jastar saiasaty máseleleri jónindegi basqarma basshysy, «Nur Otan» partiiasy janyndaǵy «Jas Otan» jastar qanatynyń tóraǵasy qyzmetterin atqarǵan.
Ál-Farabi atyndaǵy Qazaq ulttyq ýniversiteti men Qazaqstan Respýblikasy Prezidenti janyndaǵy memlekettik basqarý Akademiiasynyń túlegi.
"Qala ákimi qoiǵan naqtyly mindetterdiń ishinen mynalardy erekshe ataýǵa bolady, olar mádeniet mekemelerin zamanaýi rekreatsionaldy jáne kóńil kóteretin komponentteri bar kópfýnktsionaldy jáne kelýshilerge baǵyttalǵan ortalyqtarǵa ainaldyrý, sonymen qatar jeke investitsiialardy tartýǵa jaǵdai jasaý, mádeniet pen demalýdyń infraqurylymyn damytý úshin qarjylandyrýdyń balamaly joldaryn qarastyrý. Bulardan ózge, aqparat, bilim, ǵylymi-zertteý tehnologiialaryn, ozyq tájiribe men praktikany engize otyryp mádeni mekemelerdiń servistik qyzmetiniń sapasyn arttyrý. Sonymen qatar týristik indýstriiaǵa qatysty qalanyń tarihi-mádeni murasyn damytý jáne júrgizú boiynsha jumysty odan ári jalǵastyrý" delingen baspasóz habarlamasynda.
