Almaty qalasy biznestiń ortalyǵy. Soǵan sáikes qalanyń ekologiialyq jaǵdaiy men mobildik máseleleri de kezek kúttirmeitin jaǵdailar. Osy oraida búgin Almaty qalalyq Qoǵamdyq keńestiń № 3 komissiiasynyń kásipkerlik, ekologiia jáne qalalyq mobildik máselesi boiynsha keńeitilgen otyrysy ótti. Atalǵan máseleni talqylaǵan jiynda Almaty qalasy Tsifrlandyrý basqarmasy tóraǵasy Baian Qońyrbaevtyń ótken jyl boiynsha esebi tyńdaldy, - dep habarlaidy «Ult aqparat».
Ótken jyl elimiz úshin aýyr jyl bolǵany barshamyzǵa belgili. Pandemiianyń saldary barlyq salaǵa áser etkeni sózsiz. Osy oraida basqarma basshysy óz esebinde ótken jyl boiynsha karantindik jaǵdaidaǵy basqarma qyzmetinde týyndaǵan máseleler jáne onyń sheshilý joldary jaiynda, atqarylǵan jumys nátijelerimen jáne aldaǵy josparlarmen bólisti.
«Byltyr-biyl eshkimge de ońai bolyp jatqan joq. Álemdi ábigerge salǵan koronavirýs ýaqyt ótken saiyn túrlenip, basqa túrleri shyǵyp, adamzatqa aýyr tiip jatyr. Al mundai jaǵdaida memlekettik qyzmetterdiń sapasyn baqylaý, Almaty qalasynyń IT-keńesi, qalanyń biregei arhitektýrasy jáne aqparattyq júielerdi jabdyqtaý, biznestiń biregei kartasy jáne júzege asyrý óte mańyzdy. Memlekettik qyzmettiń bir qiyndyǵy da osynda, qandai jaǵdai bolmasyn, josparlanǵan barlyq sharýa atqarylýy kerek», - dedi Almaty qalasy Tsifrlandyrý basqarmasy tóraǵasy Baian Qońyrbaev.
Sonymen qatar, basqarma tóraǵasy óz esebin qoǵamdyq qaýipsizdik, kólik salasy, qalany basqarý, bilim berý, turǵyn úi-kommýnaldyq sharýashylyq, densaýlyq saqtaý, áleýmettik sala siiaqty baǵyttardaǵy tsifrlandyrý deńgeiin júieli jetkizdi.
«Qalalyq Qoǵamdyq keńes ne úshin kerek? Mine, osyndai máselelerdi birge talqylaý úshin, sheshý joldaryn qarastyryp, birge áreket etý úshin kerek. Búgin biz kóterip otyrǵan máselelerdiń Qoǵamdyq keńeste tyńdalýynyń ózi bir nátije dep bilemin. Kólik salasy, bilim berý, densaýlyq saqtaý, turǵyn úi-kommýnaldyq sharýashylyq, qai sala bolmasyn óńir úshin ózekti, memleket úshin mańyzdy ekenine kúmán joq», - dedi Almaty qalasy Tsifrlandyrý basqarmasy tóraǵasy Baian Qairatuly.
Tyńdalǵan esep berýden keiin otyrysqa qatysýshy keńes músheleri tarapynan birneshe suraqtar qoiylyp tushymdy jaýaptar alyndy. Otyrys sońy Tsifrlandyrý basqarmasy tóraǵasynyń esebin qabyldaýmen aiaqtaldy.
«Búgingi tyńdalymda biznestiń biregei kartasy jáne ony júzege asyrý dep jatyrmyz ǵoi. Qoǵamdyq keńeste talqylanyp jatqan barlyq máselelerdi qoldaimyn. Ózim biznes salasynda bolǵandyqtan, osy salaǵa erekshe toqtalyp ótkim keledi. Biznestiń biregei kartasymen jumys isteý úshin kásipkerlerge de jaǵdai jasalý kerek. Byltyr men biyl kóptegen kásip salasy zardap shekti. Aqsap qaldy. Ondai jaǵdaida kásipker kásibi men qyzmetkerlerin saqtap qalý úshin memleketten qarjylai kómek qajet ekeni sózsiz. Sonda ǵana biznestiń bregei kartasymen jumys istep, ony júzege asyra alamyz. Búgngi qoǵamdyq talqylaýda osy máseleni erekshe atap ótip, kásipkerlerdiń máselesi joǵaryǵa jetse deimin», - dedi kásipker Iýrii Pak.
Aita keteiik, qoǵamdyq keńester - memleket qabyldaityn sheshimderdiń jariialy, ashyq bolýyn qamtamasyz etetin konsýltativtik-keńesshi, ári baqylaýshy organǵa ainalýy tiis. Quramyna memlekettik organdardyń ókilderi men qarapaiym azamattar kiretin uiym kez kelgen másele boiynsha azamattyq qoǵamnyń oi-pikirin tyńdap, onymen sanasýǵa mindetti. Ol úshin arnaiy qoǵamdyq tyńdaýlar ótedi. Osylaisha, qarapaiym azamattar elde júrip jatqan isterge óz yqpalyn tigizip, ózekti máselelerdi kóterýge múmkindik alady. 99-qadam bilik pen azamattyq qoǵam arasyndaǵy qarym-qatynasty jaqsartady. Osyǵan sai qazir eldiń ár qiyrynda Qoǵamdyq keńester jasaqtalǵan, al mundai bedeldi uiym Almaty tarihynda alǵash ret quryldy.
Esterińizge sala keteiik, Almaty qalasy biznestiń ortalyǵy. Soǵan sáikes qalanyń ekologiialyq jaǵdaiy men mobildik máseleleri de kezek kúttirmeitin jaǵdailar. Osy oraida búgin Almaty qalalyq Qoǵamdyq keńestiń № 3 komissiiasynyń kásipkerlik, ekologiia jáne qalalyq mobildik máselesi boiynsha keńeitilgen otyrysy ótti. Atalǵan máseleni talqylaǵan jiynda Almaty qalasy Tsifrlandyrý basqarmasy tóraǵasy Baian Qońyrbaevtyń ótken jyl boiynsha esebi tyńdaldy. Basqarma basshysy óz esebinde ótken jyl boiynsha karantindik jaǵdaidaǵy basqarma qyzmetinde týyndaǵan máseleler jáne onyń sheshilý joldary jaiynda, atqarylǵan jumys nátijelerimen jáne aldaǵy josparlarmen bólisip, qoǵamdyq qaýipsizdik, kólik salasy, qalany basqarý, bilim berý, turǵyn úi-kommýnaldyq sharýashylyq, densaýlyq saqtaý, áleýmettik sala siiaqty baǵyttardaǵy tsifrlandyrý deńgeiin júieli jetkizdi.
