Almaty qalasy ákimi Baqytjan Saǵyntaevtyń ókimimen Tileýhan Ábildaev Qoǵamdyq densaýlyq saqtaý basqarmasynyń basshysy qyzmetine taǵaiyndaldy, dep habarlaidy "Ult aqparat".
Almaty qalasy ákiminiń birinshi orynbasary Erlan Qojaǵapanov meditsinalyq qoǵamdastyqqa Qoǵamdyq densaýlyq saqtaý departamentiniń jańa basshysyn tanystyrdy.
Buǵan deiin, ol «Áleýmettik meditsinalyq saqtandyrý qory» KEAQ Almaty filialynyń direktory qyzmetin atqardy.
Tileýhan Ábildaev 1962 jyly 6 qarashada dúniege kelgen. 1985 jyly Almaty memlekettik meditsina institýtyn bitirdi.
Eńbek jolyn 1983 jyly №2 Almaty klinikalyq aýrýhanasynda bastaǵan.
Osy jyldar ishinde ol hirýrg, hirýrgiia bóliminiń meńgerýshisi, sodan keiin Talas ortalyq aýdandyq aýrýhanasynyń bas dárigeri, Jambyl oblystyq týberkýlezge qarsy dispanseriniń bas dárigeri, Jambyl oblystyq densaýlyq saqtaý basqarmasynyń bastyǵy, QR Densaýlyq saqtaý ministrligi meditsinalyq qyzmetke aqy tóleý komitetiniń Jambyl oblysy boiynsha departamentiniń direktory, túberkýlez problemalary ortalyǵynyń direktory, «Densaýlyq saqtaýdy damytý respýblikalyq ortalyǵy» ShJQ RMQ bas direktorynyń orynbasary, Almaty qalalyq meditsinalyq qyzmetke aqy tóleý komiteti departamentiniń bastyǵy boldy.
2016 - 2017 jyldary Jambyl oblysynyń densaýlyq saqtaý basqarmasyn basqardy. 2018 jyly Áleýmettik meditsinalyq saqtandyrý qorynyń Almaty filialynyń direktory bolyp taǵaiyndaldy.
