video kadry
Biyl aqpanda Almaty oblysynda úige basyp kirip, balalarǵa shabýyl jasaǵan er adamǵa qatysty úsh bap boiynsha tergeý aiaqtaldy, - dep habarlaidy «Ult aqparat» Tengrinews.kz -ke silteme jasap.
Eske salaiyq, 16 aqpanda Qazaqstandy adamshoshyrlyq oqiǵa týraly habar eleń etkizdi. Almaty oblysynyń Jambyl aýdanynda belgisiz er adam úige basyp kirip, ondaǵy tórt balaǵa shabýyl jasaǵan. Sosyn olardy uryp-soǵyp, bailap, tamaǵyna pyshaq suqqany habarlandy. Balalardyń aiǵaiyna kórshileri júgirip kelgen.
Prokýratýra málimetinshe, úige basa-kóktep kirgen er adamǵa qatysty úsh bap boiynsha sotaldy tergeý júrgizilgen:
- 120-baptyń 1-bóligi "Zorlaý, iaǵni jábirlenýshige nemese basqa adamdarǵa kúsh qoldanyp nemese ony qoldaný qaterin tóndirip ne jábirlenýshiniń dármensiz kúiin paidalanyp jynystyq qatynasqa túsý", 120-baptyń 4-bóligi "Zorlaý" , iaǵni jábirlenýshige nemese basqa adamdarǵa kúsh qoldanamyn nemese ony qoldanamyn dep qorqytý arqyly ne jábirlenýshiniń dármensiz jaǵdaiyn paidalanyp, birneshe ret jasalǵan jynystyq qatynas";
- 126-baptyń 2-bóliginiń 5, 7-tarmaqtary "Kámeletke tolmaǵan adamǵa qatysty, eki nemese odan da kóp adamǵa qatysty bas bostandyǵynan zańsyz aiyrý";
- 149-baptyń 2-bóligi "Kúsh qoldanyp ne ony qoldaný qaterin tóndirip jasalǵan nemese adamdar toby jasaǵan nemese túngi ýaqytta jasalǵan nemese zańsyz tintýmen ulasqan dál sol is-áreket, sol siiaqty turǵynjaidan zańsyz shyǵarý".
"Zertteýdiń qorytyndysy boiynsha isti máni boiynsha qaraý úshin sotqa jiberý máselesi sheshiledi", - dep habarlady Almaty oblysynyń prokýratýrasy.
Eske salaiyq, Almaty oblysynyń Jambyl aýdanynda belgisiz bireý kámeletke tolmaǵan tórt balany bailap, uryp, qinap, pyshaqpen qorqytqan. Bul derekke qatysty oblys basshysy Baýyrjan Álenov pikir bildirgen edi.
Úsh ul bala men bir qyzdyń shyryldaǵan daýsyn estigen kórshileri júgirip kelipti. Kúdikti sol sátte qashyp úlgergen. Balalardyń úlkeni 13 jasta. Qalǵany 12, 10 jáne 8 jasta. Kúdikti olardyń tamaǵyna pyshaq taqap qorqytyp, tipti zorlamaq bolypty.
"Pedofildiń kelgenin kórdik. Kórshilermen jabylyp jetkenshe qashyp úlgerdi. Esikten kirgen ǵoi, anasynyń úiden shyǵyp ketkenin kórip. Al terezeni, balalardy qutqaramyz dep kórshiler syndyrdy", - dedi Jadyra Janabaeva.
Sumdyq jaǵdaidan keiin balalardyń tórteýi de aýrýhanaǵa jetkizilgen. Dárigerler shuǵyl meditsinalyq kómek kórsetip, basy men betinen jaraqat alǵan kenje ulyn oblystyq balalar aýrýhanasyna jatqyzǵan. Qalǵanyn ambýlatoriialyq emge jibergen.
