Almaty qalalyq Qoǵamdyq densaýlyq basqarmasynyń basshysy Nariman Tabynbaev meditsinalyq halattardyń jetpeitini týraly aqparatty joqqa shyǵardy, dep habarlaidy "Ult aqparat".
Óńirlik kommýnikatsiialar qyzmetiniń baspasóz konferentsiiasy kezinde Almaty qalalyq Qoǵamdyq densaýlyq basqarmasynyń basshysy Nariman Tabynbaev megapolistegi emhanalar men aýrýhanalardy modernizatsiialaý týraly aitty.
«Biz emhanalar men statsionarlarǵa kúndelikti monitoring júrgizemiz jeke qorǵanys quraldary men dári-dármekterdiń bolýyn tekseremiz. Bul halattar men qorǵanys quraldaryn jeke qarjyǵa satyp alý týraly aqparat jalǵan. Eger bul fakt rastalsa, men shyǵynnyń óteletinine kepildik beremin», - basqarma basshysy.
Sonymen qatar, ol sońǵy eki jylda jergilikti atqarýshy organdar koronavirýspen kúreske qomaqty qarjy bólgenin atap ótti.
«Ótken jyly 20 mlrd teńgege meditsinalyq jabdyqtar satyp alyndy, onyń ishinde 2 MRT apparaty, 2 tomografiia, 250-den astam ÓJJ apparaty, 150-ge jýyq High flow apparaty, 17 meditsinalyq mekemege meditsinalyq gaz júiesi ornatyldy. Barlyq emhanalar zerthanalyq diagnostikalyq qondyrǵymen jabdyqtalǵan. Endoskopiialyq qondyrǵylar da satyp alyndy, óitkeni olar koronavirýspen aýyratyn naýqastarǵa óte qajet. Qosymsha meditsinalyq tósek-oryndar, monitorlar, shpritster jáne naýqastardy emdeýge qajetti barlyq zattar alyndy», - dedi Nariman Tabynbaev.
Budan bólek, jedel járdem qyzmeti men perzenthanalardyń materialdyq-tehnikalyq bazasy nyǵaityldy. Jedel meditsinalyq kómek pen diagnostikaǵa 130 jańa kólik satyp alyndy. Almatydaǵy infektsiialyq aýrýhanalardyń jabdyqtalýy 98%-dy quraidy.
Sondai -aq, qoǵamdyq densaýlyq saqtaý basqarmasynyń basshysy jergilikti atqarýshy organdar tegin paidalanýǵa bergen juqpaly aýrýlar aýrýhanalarynyń jetkilikti jabdyqtalǵanyn tilge tiek etti.
«Biz infektsiialyq statsionarlar retinde pedagogikalyq kolledjdiń jańa jataqhanasyn, S. Asfendiiarov atyndaǵy meditsinalyq ýniversitettiń jataqhanasyn, sondai-aq «Halyq arena» ǵimaratyn paidalanamyz», - dedi spiker.
