الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆ مەديتسينالىق حالاتتاردىڭ جەتپەيتٸنٸ تۋرالى اقپاراتتى جوققا شىعاردى, دەپ حابارلايدى "ۇلت اقپارات".
ٶڭٸرلٸك كوممۋنيكاتسييالار قىزمەتٸنٸڭ باسپاسٶز كونفەرەنتسيياسى كەزٸندە الماتى قالالىق قوعامدىق دەنساۋلىق باسقارماسىنىڭ باسشىسى ناريمان تابىنباەۆ مەگاپوليستەگٸ ەمحانالار مەن اۋرۋحانالاردى مودەرنيزاتسييالاۋ تۋرالى ايتتى.
«بٸز ەمحانالار مەن ستاتسيونارلارعا كٷندەلٸكتٸ مونيتورينگ جٷرگٸزەمٸز جەكە قورعانىس قۇرالدارى مەن دەرٸ-دەرمەكتەردٸڭ بولۋىن تەكسەرەمٸز. بۇل حالاتتار مەن قورعانىس قۇرالدارىن جەكە قارجىعا ساتىپ الۋ تۋرالى اقپارات جالعان. ەگەر بۇل فاكت راستالسا, مەن شىعىننىڭ ٶتەلەتٸنٸنە كەپٸلدٸك بەرەمٸن», - باسقارما باسشىسى.
سونىمەن قاتار, ول سوڭعى ەكٸ جىلدا جەرگٸلٸكتٸ اتقارۋشى ورگاندار كوروناۆيرۋسپەن كٷرەسكە قوماقتى قارجى بٶلگەنٸن اتاپ ٶتتٸ.
«ٶتكەن جىلى 20 ملرد تەڭگەگە مەديتسينالىق جابدىقتار ساتىپ الىندى, ونىڭ ٸشٸندە 2 مرت اپپاراتى, 2 توموگرافييا, 250-دەن استام ٶجج اپپاراتى, 150-گە جۋىق High flow اپپاراتى, 17 مەديتسينالىق مەكەمەگە مەديتسينالىق گاز جٷيەسٸ ورناتىلدى. بارلىق ەمحانالار زەرتحانالىق دياگنوستيكالىق قوندىرعىمەن جابدىقتالعان. ەندوسكوپييالىق قوندىرعىلار دا ساتىپ الىندى, ٶيتكەنٸ ولار كوروناۆيرۋسپەن اۋىراتىن ناۋقاستارعا ٶتە قاجەت. قوسىمشا مەديتسينالىق تٶسەك-ورىندار, مونيتورلار, شپريتستەر جەنە ناۋقاستاردى ەمدەۋگە قاجەتتٸ بارلىق زاتتار الىندى», - دەدٸ ناريمان تابىنباەۆ.
بۇدان بٶلەك, جەدەل جەردەم قىزمەتٸ مەن پەرزەنتحانالاردىڭ ماتەريالدىق-تەحنيكالىق بازاسى نىعايتىلدى. جەدەل مەديتسينالىق كٶمەك پەن دياگنوستيكاعا 130 جاڭا كٶلٸك ساتىپ الىندى. الماتىداعى ينفەكتسييالىق اۋرۋحانالاردىڭ جابدىقتالۋى 98%-دى قۇرايدى.
سونداي -اق, قوعامدىق دەنساۋلىق ساقتاۋ باسقارماسىنىڭ باسشىسى جەرگٸلٸكتٸ اتقارۋشى ورگاندار تەگٸن پايدالانۋعا بەرگەن جۇقپالى اۋرۋلار اۋرۋحانالارىنىڭ جەتكٸلٸكتٸ جابدىقتالعانىن تٸلگە تيەك ەتتٸ.
«بٸز ينفەكتسييالىق ستاتسيونارلار رەتٸندە پەداگوگيكالىق كوللەدجدٸڭ جاڭا جاتاقحاناسىن, س. اسفەنديياروۆ اتىنداعى مەديتسينالىق ۋنيۆەرسيتەتتٸڭ جاتاقحاناسىن, سونداي-اق «حالىق ارەنا» عيماراتىن پايدالانامىز», - دەدٸ سپيكەر.
