Almatyda dárihanalardyń dári-dármekpen qamtamasyz etilýin jáne olardyń baǵasyn baqylaityn monitoringilik top qurylady. Bul týraly qalanyń bas sanitarlyq dárigeri Jandarbek Bekshinniń qaýlysynda aitylǵan, dep habarlaidy "Ult aqparat".
Monitoring tobyna Taýarlar men kórsetiletin qyzmetterdiń sapasy men qaýipsizdigin baqylaý departamenti, Almaty qalalyq kásipkerlik jáne investitsiialar basqarmasy men Farmatsevtikalyq qyzmetti qoldaý jáne damytý qaýymdastyǵynyń ókilderi kiredi.
Monitoring dárilik preparattardyń 41 ataýy boiynsha júrgiziledi: Trombopol, Kardiomagnil, Aspirin, Trombo ass, Aspirin-Kardio, Ksarelto 15 mg, Azitro 500 mg, Azitroks 500mg, Azitromitsin 500 mg, Azitsin 500 mg, Zaha 500 mg, Zitmak 500mg, Zitroks 500 mg, Sýmamed 500 mg, Amoksiklab, Aýgmentin, Amoksiklav, Klavam, Flemoklav Soliýtab, Tsefiksim, Tsefim, Sýpraks soliýtab, Sýpraks, Toksim-O, Tamifliý, Oseltamivir, Infliýtsein, Flývir, Nomides, Ingavirin 90mg, Ergoferon, Kagotsel, Arpefliý, Paratsetamol, Efferalgan, Panadol, Nýrafen, Ibýprofen, Novigan, Mig 400, Nimesýlid.
«Qalanyń bas memlekettik sanitarlyq dárigeriniń qaýlysyna sáikes, Almaty qalasynyń dárihana uiymdary kún saiyn saǵat 17:00-ge deiin bekitilgen tizimge sáikes dárilik zattardyń bar-joǵy týraly anyqtama berýi tiis», - delingen qujatta.
Qaýlyǵa sáikes, tizimde 10 dárihana bar:
1. «Apteka 2»
2. «Ateka pliýs»
3. «Raýza ADE»
4. «AK NIET GROUP»
5. «Farmakom»
6. «Abdinor»
7. «Apteka ot A do Ia»
8. «Sadyhan»
9. «Biosfera»
10. «Tsvetnaia»
Dárihana uiymdarynyń basshylary densaýlyq saqtaý ministriniń 2019 jylǵy 15 shildedegi buiryǵyna sáikes, dári-dármekterdiń shekti bólshek saýda baǵalaryn qatań saqtaý kerek.
