Almatydaǵy perinatologiia jáne balalar kardiohirýrgiiasy ortalyǵynyń dárigerleri 52 jastaǵy júkti áieldi bosandyryp, egiz balany aman alyp qaldy, dep habarlaidy QazAqparat tilshisi.
Perinatologiia jáne balalar kardiohirýrgiiasy ortalyǵyna júktiliktiń 31 aptasynda basy ainalyp, ishi aýyryp, qan qysymy joǵarylap ketken 52 jastaǵy áiel tústi.
Dárigerler júkti áielge – aýyr preeklampsiia, jatyr tyrtyǵy diagnozyn qoidy. Naýqasta 2007 jyly da aýyr preeklampsiia bolǵan.
Aita ketý kerek, áiel egizderdi EKO arqyly kótergen.
«Ýltradybystyq zertteý kezinde ekinshi uryqtta júrek aqaýy anyqtaldy. Sol sebepti áiel shuǵyl operatsiiaǵa alyndy. Preeklampsiia anaǵa da, uryqqa da qaýip tóndirýi múmkin edi. Sondyqtan, kesar tiligi arqyly bosandy. Nátijesinde salmaǵy 1,644 gramm jáne 990 gramm eki ul bala dúniege keldi. Náresteler shala týǵandyqtan jansaqtaý bólimine aýystyrylyp, arnaiy inkýbatorda 10 kún jatty. Otadan keiin analarynyń da jaǵdaiy aýyr boldy, ol da birneshe kún jansaqtaý bóliminde jatty. 5 kúnnen keiin jańa bosanǵan áiel bólimge aýystyryldy, sodan keiin balalaryn ákeldik. Búgingi kúni ana men balalardyń jaǵdaiy jaqsy. Patologiia bóliminde jatyr. Jańa týǵan náresteler salmaq qosyp jatyr, qaýip joq. Jaqynda olar úiine shyǵady», - deidi dáriger Balziia Ábilmájinova.
Óz kezeginde egizderdiń anasy dárigerlerge alǵysyn aitty.
«Avtobýstan túsip kele jatyp qulap qaldym, úige kelgende búkil denem isip ketti. Jaǵdaiym kúrt nasharlady, ishim aýyrdy, qan qysymym kóterilip, basym ainaldy. Jedel járdem shaqyrdym, olar meni Perinatologiia jáne balalar kardiohirýrgiiasy ortalyǵyna alyp keldi. Barlyq tekserýden keiin maǵan birden ota jasaldy. Oiansam, balalarymynyń jansaqtaý bóliminde jatqanyn aitty. Árine, men olar úshin qatty ýaiymdadym, óitkeni olardyń bireýi óte álsiz boldy. Biraq osy ortalyqtyń reanimatologtary, neonatologtary jáne basqa da mamandarynyń kásibiliginiń arqasynda balalarym tez saýyǵyp ketti. 10 kúnnen keiin jansaqtaý bóliminen shyqty. Qazir balalar salmaq qosyp úlgerdi, bireýi qazirdiń ózinde 2 keliden, ekinshisi 1600 grammnan asady. Reanimatologtarǵa, neonatologtarǵa jáne barlyq meditsinalyq qyzmetkerlerge erekshe rahmet aitamyn»,-deidi egizderdiń anasy.
