Qaita jańartylaǵan Almaty botanikalyq baǵyna úsh aidyń ishinde 210 myńnan astam adam kelip, memlekettik biýdjetke shamamen 40 mln teńge kiris ákeldi, dep habarlaidy QazAqparat.
210 myń kelýshiniń - 44 myńy mektep oqýshysy, 15 myńy stýdentter men zeinetkerler, qalǵandary qala turǵyndary men qonaqtary. Jazda botanikalyq baqqa kún saiyn orta eseppen 2,5 myń adam keledi.
«Qazir kúzde kelýshilerdiń sany azaidy. Desek te, bizge jumys kúnderi 1000-1500 adam, al demalys kúnderi 5000 adamǵa deiin keledi», - deidi Botanika jáne fitointrodýktsiia institýtynyń bas direktory Gúlnar Sitpaeva.
Sonymen qatar, Gúlnar Sitpaeva tarifti kóterý máselesi qarastyrylyp jatqanyn aitty.
«Qazir kirý bileti 500 teńgeni quraidy. Onyń ishinde biz 277, 80 teńgeni memleket kirisine aýdaramyz. Bul 0,1 AEK quraidy. Biz ár biletten 0,1 AEK memleket kirisine aýdarýǵa mindettimiz. Búgingi kúnge deiin memlekettik biýdjetke 40 mln tústi. Nátijesinde bizde az ǵana soma qalady. Biz tarifterdi kóterý máselesin qarastyryp jatyrmyz. Bul qalypty tájiribe. Iaǵni, eresek adamnyń bileti 900 teńge, balalar men zeinetkerler úshin 500 teńge bolady. Al, múmkindigi shekteýli adamdar úshin tegin. Qazir bul másele talqylanyp jatyr. Meniń oiymsha, bul kelesi jyly júzege asyrylady», - dep túsindirdi ol.
