قايتا جاڭارتىلاعان الماتى بوتانيكالىق باعىنا ٷش ايدىڭ ٸشٸندە 210 مىڭنان استام ادام كەلٸپ, مەملەكەتتٸك بيۋدجەتكە شامامەن 40 ملن تەڭگە كٸرٸس ەكەلدٸ, دەپ حابارلايدى قازاقپارات.
210 مىڭ كەلۋشٸنٸڭ - 44 مىڭى مەكتەپ وقۋشىسى, 15 مىڭى ستۋدەنتتەر مەن زەينەتكەرلەر, قالعاندارى قالا تۇرعىندارى مەن قوناقتارى. جازدا بوتانيكالىق باققا كٷن سايىن ورتا ەسەپپەن 2,5 مىڭ ادام كەلەدٸ.
«قازٸر كٷزدە كەلۋشٸلەردٸڭ سانى ازايدى. دەسەك تە, بٸزگە جۇمىس كٷندەرٸ 1000-1500 ادام, ال دەمالىس كٷندەرٸ 5000 ادامعا دەيٸن كەلەدٸ», - دەيدٸ بوتانيكا جەنە فيتوينترودۋكتسييا ينستيتۋتىنىڭ باس ديرەكتورى گٷلنار سيتپاەۆا.
سونىمەن قاتار, گٷلنار سيتپاەۆا تاريفتٸ كٶتەرۋ مەسەلەسٸ قاراستىرىلىپ جاتقانىن ايتتى.
«قازٸر كٸرۋ بيلەتٸ 500 تەڭگەنٸ قۇرايدى. ونىڭ ٸشٸندە بٸز 277, 80 تەڭگەنٸ مەملەكەت كٸرٸسٸنە اۋدارامىز. بۇل 0,1 اەك قۇرايدى. بٸز ەر بيلەتتەن 0,1 اەك مەملەكەت كٸرٸسٸنە اۋدارۋعا مٸندەتتٸمٸز. بٷگٸنگٸ كٷنگە دەيٸن مەملەكەتتٸك بيۋدجەتكە 40 ملن تٷستٸ. نەتيجەسٸندە بٸزدە از عانا سوما قالادى. بٸز تاريفتەردٸ كٶتەرۋ مەسەلەسٸن قاراستىرىپ جاتىرمىز. بۇل قالىپتى تەجٸريبە. ياعني, ەرەسەك ادامنىڭ بيلەتٸ 900 تەڭگە, بالالار مەن زەينەتكەرلەر ٷشٸن 500 تەڭگە بولادى. ال, مٷمكٸندٸگٸ شەكتەۋلٸ ادامدار ٷشٸن تەگٸن. قازٸر بۇل مەسەلە تالقىلانىپ جاتىر. مەنٸڭ ويىمشا, بۇل كەلەسٸ جىلى جٷزەگە اسىرىلادى», - دەپ تٷسٸندٸردٸ ول.
