Almatyǵa oblystan qatynaityn jumyskerlerge jumys berýshiler aqyly demalys berýi kerek. Bul týraly onlain brifing barysynda qala ákiminiń orynbasary Saparbek Tuiaqbaev aitty, dep habarlaidy QazAqparat.
«Qazir qala ákimdigi úshin eń basym baǵyttardyń biri – jumys oryndaryn saqtap qalý. Kóp jumys oryndarynyń qyzmetkerleri oblystan qatynaidy. Eger jumys berýshide múmkindik bolsa, olardy 1 aiǵa aqyly demalysqa jiberý kerek. Eger oǵan múmkindik bolmasa, jumyskerlerge Almatydan ýaqytsha oryn taýyp, ornalastyrý kerek. Qazir jataqhana, hostel, qonaq úiler bosap jatyr. Karantin kezinde oblystan qatynaityn qyzmetkerlerge arnaiy ruqsat berilmeidi. Jumys berýshiler qazirden bastap túngi 24.00 deiin osy máseleni sheshýi tiis», - dedi S.Tuiaqbaev.
