Sarymsaq, zimbir, limon koronavirýsqa qarsy qanshalyqty tiimdi? Bul jaily Almaty qalalyq Taýarlar men qyzmetterdiń sapasy men qaýipsizdigin baqylaý departamentiniń basshysy Aizat Moldaqasymova óz pikirin bildirdi, dep habarlaidy QazAqparat.
«Zimbir men limon dárilik zatqa jatpaidy. Bul aǵzanyń immýnitetin kóteretin, fýnktsiiasyn qalpyna keltiretin tamaqqa jatady. Biraq juqqan aýrýdy emdep jazǵany tájiribede dáleldenbegen», - dedi ol.
Onyń aitýynsha, bul zattardy koronavirýstan profilaktikalyq maqsatta ishken durys.
«Zimbir, sarymsaq, limon, mikroelementter, dárýmenderdi aýrýdyń aldyn alý maqsatynda ishken paidaly. Adamdardyń immýniteti jaqsy bolsa, dert juǵa bermeidi. Sondyqtan adamdar oqshaýlanyp, immýnitetin kóterip júrse, óte jaqsy qorǵanys quraly bolady. Halyq meditsinasynda qoldanylatyn dárilik shópter tek profilaktikalyq maqsatta ishilýi kerek. Biraq COVID-19 infektsiiasynan arnaiy virýsqa qarsy preparattar arqyly jazylady», - dedi ol.
