Almatyda Jetisý aýdanynyń ákimi Maqsat Qiqymov baspasóz máslihaty barysynda baraholkadaǵy 3 bazardyń jańǵyrtylyp jatqanyn aitty, dep habarlaidy "Ult aqparat".
Atap aitqanda, Ialian-2 bazarynda aýdany 12 myń sharshy metr bolatyn 400 saýda orny biyl aqpanda ashylady.
«Rahat-KZ» bazarynda aýdany 6 myń sharshy metr aýmaqta 600 saýda orny jasaqtalady. Jańa bazar mamyrda ashylady.
«Alataý» bazarynyń 4 blogynda 250 saýda orny qosymsha ashylyp, 6 myń sharshy metrge keńeimek. Bul bazardyń ashylýy - shildede
Odan bólek, 400 saýda orny bar «Keremet» jańa saýda úiiniń qurylysy qarqyndy júrip jatyr. Jańa nysan 2020 jyldyń tamyzynda paidalanýǵa beriledi.
Aýdan ákiminiń aitýynsha, 3 bazardyń qaita jańǵyrtý jumystary biyl aiaqtalady. Qalǵan 5 bazardyń qaita jańǵyrtylýynyń jobalyq smetalyq qujattamasy ázirlenip jatyr.
«Baisat» bazary da biyl qaita jóndeýden ótedi. Bizdiń basty mindetimiz – konteinerler emes, dúńgirshekter salý. Zańsyz konteinerlerden kóleńkeli taýar ainalymyn jaryqqa shyǵarý kerek», - dedi spiker.
Onyń aitýynsha, aýdanda 941 ónerkásip óndirisi, 37 iri kásiporyn, 904 shaǵyn kásiporyn ornalasqan.
Jetisý aýdany bólshek saýda boiynsha 8 aýdannyń ishinde 1-oryn, kóterme saýda boiynsha 4-orynda tur.
