الماتىدا جەتٸسۋ اۋدانىنىڭ ەكٸمٸ ماقسات قيقىموۆ باسپاسٶز مەسليحاتى بارىسىندا باراحولكاداعى 3 بازاردىڭ جاڭعىرتىلىپ جاتقانىن ايتتى, دەپ حابارلايدى "ۇلت اقپارات".
اتاپ ايتقاندا, ياليان-2 بازارىندا اۋدانى 12 مىڭ شارشى مەتر بولاتىن 400 ساۋدا ورنى بيىل اقپاندا اشىلادى.
«راحات-KZ» بازارىندا اۋدانى 6 مىڭ شارشى مەتر اۋماقتا 600 ساۋدا ورنى جاساقتالادى. جاڭا بازار مامىردا اشىلادى.
«الاتاۋ» بازارىنىڭ 4 بلوگىندا 250 ساۋدا ورنى قوسىمشا اشىلىپ, 6 مىڭ شارشى مەترگە كەڭەيمەك. بۇل بازاردىڭ اشىلۋى - شٸلدەدە
ودان بٶلەك, 400 ساۋدا ورنى بار «كەرەمەت» جاڭا ساۋدا ٷيٸنٸڭ قۇرىلىسى قارقىندى جٷرٸپ جاتىر. جاڭا نىسان 2020 جىلدىڭ تامىزىندا پايدالانۋعا بەرٸلەدٸ.
اۋدان ەكٸمٸنٸڭ ايتۋىنشا, 3 بازاردىڭ قايتا جاڭعىرتۋ جۇمىستارى بيىل اياقتالادى. قالعان 5 بازاردىڭ قايتا جاڭعىرتىلۋىنىڭ جوبالىق سمەتالىق قۇجاتتاماسى ەزٸرلەنٸپ جاتىر.
«بايسات» بازارى دا بيىل قايتا جٶندەۋدەن ٶتەدٸ. بٸزدٸڭ باستى مٸندەتٸمٸز – كونتەينەرلەر ەمەس, دٷڭگٸرشەكتەر سالۋ. زاڭسىز كونتەينەرلەردەن كٶلەڭكەلٸ تاۋار اينالىمىن جارىققا شىعارۋ كەرەك», - دەدٸ سپيكەر.
ونىڭ ايتۋىنشا, اۋداندا 941 ٶنەركەسٸپ ٶندٸرٸسٸ, 37 ٸرٸ كەسٸپورىن, 904 شاعىن كەسٸپورىن ورنالاسقان.
جەتٸسۋ اۋدانى بٶلشەك ساۋدا بويىنشا 8 اۋداننىڭ ٸشٸندە 1-ورىن, كٶتەرمە ساۋدا بويىنشا 4-ورىندا تۇر.
