Almatyda qoǵamdyq kólikte jol júrý aqysy kóterilýi múmkin. Bul týraly brifing barysynda qala ákiminiń orynbasary Serik Qusaiynov málim etti, dep habarlaidy QazAqparat.
Ákim orynbasarynyń aitýynsha, tarifti kóterý – mindet emes, qajettilik.
«Tarifterdi kóterý qajet. Qazir jol aqysy 80 teńge. Biz tarifti erteń kóteremiz dep otyrǵan joqpyz. Tarifti kóteretin bolsaq, qala turǵyndarymen aqyldasatyn bolamyz. Bul óte ózekti másele. Bul suraqqa kóktemde qoǵamdyq talqylaýlardan keiin qaita oralamyz dep oilaimyn», - dedi Serik Qusaiynov.
Almatyda búginde 2400-den astam qoǵamdyq kólik jumys isteidi. Onyń ishinde 515 gazben júretin avtobýs, 196 trolleibýs, 15 elektrobýs jáne 1715 dizeldi avtobýs bar. «Almatyelektrotrans» biylǵy jáne aldaǵy jyldary gazben júretin 300 avtobýs satyp alýdy josparlap otyr.
