Almaty aýrýhanasynda atystan jaraqat alǵan politsei qaitys boldy, — dep habarlaidy kaz.tengrinews.kz tilshisi. Bul málimetti Almaty IID baspasóz qyzmetiniń ókilderi habarlady.
«Búgin, 19.07.2016 jyly, 13.45-te aýrýhananyń jansaqtaý bóliminde jol-patrýldik politsiiasynyń mamandandyrylǵan batalony qyzmetiniń aǵa inspektory politsiia leitenanty 25.07.1986 jylǵy Timýr Begasylov qaitys boldy. Ol jol-patrýldik politsiiasynyń ózindik qaýipsizdik ekipajynyń quramynda Abylai han dańǵylynda qyzmetin atqarǵan. Azamat Rýslan Kúlekbaevtyń zańǵa qaishy áreketine toitarys berý kezinde Timýr Begasylovqa oq tigen. JMKA-ǵa politsei asa aýyr jaǵdaida tústi. Dárigerler onyń ómirin aman alyp qalý úshin baryn salyp kúresti», — delingen habarlamada.
Politsiia leitenanty Begasylov Timýr Tileýuly quqyq qorǵaý organdarynda 2015 jyldyń qańtarynan bastap qyzmet etken.
Eske salaiyq, 18 shildede Almatydaǵy Almaly aýdandyq IIB jáne UQKD ǵimarattarynashabýyl jasaldy. Qazirgi ýaqytta Almatyda «Jedel ustaý» arnaiy jospary jariialandy. Osy oraida politseiler turǵyndarǵa úilerinen shyqpaýdy ótingen. Qaladaǵy barlyq qarý-jaraq satatyn dúkender jabylǵan. Úsh politsiia qyzmetkeri jáne bir beibit turǵyn qaza tapqan. Shabýyl jasaǵandardyń ekeýi ustaldy», — delingen Almaty IID taratqan aqparatta. Sonymen qatar, Almatyda terrorlyq qaýiptiń «qyzyl deńgeii» jariialanyp, keiin bul rejim alyp tastaldy. Terrorizmge qarsy kúres jónindegi jedel shtabtyń ókilderi qaladaǵy shabýyldardy bir ǵana adamnyń jasaǵanyn málimdedi. Sondai-aq, QR Prezidenti Nursultan Nazarbaev Qaýipsizdik keńesiniń jiynynda búgin Almatyda bolǵan atysty terakt dep ataǵan bolatyn.
Sondai-aq, almatylyq atqyshtyń teraktige deiin adam óltirgendigi anyqtaldy. IIM basshysynyń aitýynsha, kúdikti jezóksheni óltirgen. Buryndary eki ret sottalǵan 1990 jylǵy Rýslan Kúlikbaev quqyq qorǵaý organdarynyń qyzmetkerlerinen kek alǵysy kelgen.
Teraktiden qaza tapqandardyń otbasyna 15 million teńgeden, al zardap shekkenderdiń otbasyna bes million teńgeden beriletin boldy.
