Almaty áýejaiynyń ushý-qoný jolaǵynda ushaq kólikpen soqtyǵysty, - dep habarlaidy Tengrinews.kz.
Áleýmettik jelilerde Almaty halyqaralyq áýejaiynyń ushý-qoný jolaǵynda bolǵan oqiǵanyń videosy jariialandy. Kadrlardan kólik ushaq qanatynyń astynda qalyp qoiǵany kórinedi.
Kóliktegi politsiia basqarmasy málimetinshe, oqiǵa 22 qazanda bolǵan.
"Derekke qatysty QR Qylmystyq kodeksiniń 344-baby 1-bóligi ("Jol qozǵalysy qaýipsizdigi erejelerin jáne áýe kóligin paidalaný erejelerin buzý") boiynsha sotaldy tergeý bastaldy. Qazirgi ýaqytta is boiynsha qajetti tergeý áreketteri júrgizilip jatyr", - delingen habarlamada.
Qazaqstan Respýblikasy Qylmystyq is júrgizý kodeksiniń 201-babyna sáikes, tergeý múddesi úshin basqa aqparat jariia etilmeidi.
