Almaty áýejaiynda halyqaralyq reispen kelgen jolaýshylardyń arasynda qaýipsizdik sharalary qalai saqtalatyny týraly aityldy, dep habarlaidy "Ult aqparat".
4 qazanda qala ákimi Baqytjan Saǵyntaev Halyqaralyq áýejai territoriiasynda syrttan keletin jolaýshylar arasynda koronavirýs infektsiiasyn taratýdyń aldyn alýda qaýipsizdik sharalaryn kúsheitýdi tapsyrǵan bolatyn.
QR kóliktegi Bas memlekettik sanitarlyq dárigeriniń qaýlysyna sáikes qazaqstandyqtar PTR anyqtamasy bolmasa da, kele alady. Alaida olar 7 kúndik karantinge jabylady.
Al PTR anyqtamasy joq shetel azamattary ushar kezde áýe kompaniiasynyń bortyna otyrǵyzylmaýy kerek.
PTR testi joq jolaýshyna otyrǵyzǵan áýe kompaniiasyna 4,5 mln teńge aiyppul salynady.
Ushaq bortynda jolaýshylardan tolyq anketa toltyrylady.
Sanitarlyq qyzmet ókilderi jolaýshylardan anyqtama jinaidy.
Almaty áýejaiyna túsken soń jolaýshylardyń mindetti túrde dene qyzýy ólshenedi. Ushaqtan túser kezde jolaýshylar ekige bólinip turady. Birinshisinde PTR taldaýy joq Qazaqstan azamattary bolsa, ekinshisinde PTR taldaýy bar jolaýshylar bolady.
Ary qarai olardy arnaiy qyzmet ókilderi alyp ketedi. Birinshi qatardaǵy jolaýshylar birden statsionarǵa jatqyzylady. Basqalaryna áýejaidan shyǵa berýine ruqsat beriledi. Almaty áýejaiynda sanitaizerler, qashyqtyqty saqtaýǵa arnalǵan belgiler jasalǵan.
«Ár halyqaralyq reis kelgen saiyn kelý aimaǵy dezinfektsiiaǵa jabylady», - dedi baspasóz qyzmetiniń mamany.
Sonymen qatar, terminalda COVID-19 taldaýdan ótýge bolady. Ekinshi qabatta PTR, IFA jáne ekspress-testileý júrgiziledi.
Ońtústik Koreianyń Asiana Airlines kompaniiasynyń ókili Vsevolod Kimniń aitýynsha, Qazaqstan azamattary daqo Ońtústik Koreiaǵa PTR taldaýy bolmasa, kire almaidy.
«Ońtústik Koreia Úkimetiniń sheshimimen PTR anyqtamasy mindetti bolyp tabylady. 25 qazanǵa deiin Asiana Airlines tek Káris azamattaryn ǵana bortqa kirgize alatyn. Endi biz basqa el azamattaryn da tasymaladi alatyn boldyq. Biraq olardyń sany 100 aspaýy kerek», - dedi Vsevolod Kim.
Aita ketý kerek, qazan aiynyń basynan bastap Almatyda 33 jolaýshydan KVI anyqtalyp, reisten túsirilgen bolatyn.
