Aitýly mereke 23 qarasha kúni saǵat 16.00-de «Medeý» muz aidynynda ótedi. Keshte tanymal estrada juldyzdary Álisher Kárimov, Búrkit pen Aisha, Sivietta Mahmýdi, Beibit Kóshqaliev, Serikbol Sailaýbek ánnen shashý shashyp, eń úzdik ánderin tartý etedi. Al «Q-pop», «CrystalZ», «Otty», «MalikaYes», «MayBo» jáne «Buira» toptary da buryn-sońdy esh jerde oryndalmaǵan jańa ánderiniń tusaýyn kesedi. «Almaty» telearnasyn quttyqtaý úshin Qazaqstannyń belgili mádeniet jáne sport qairatkerleri arnaiy keledi.
Kesh qonaqtary Almaty qalasy men telearna tarihyna negizdelgen qyzyqty utys oiyndaryna qatysyp, jeńimpazdar baǵaly syilyqtarmen marapattalady.
«Medeýge» kirý biletterin ticketon.kz nemese kassir.kz onlain kassasynan satyp alýǵa bolady.
Tarihy 1999 jyldan bastaý alatyn «Almaty» arnasy búginde elimizdiń barlyq óńirlerin qamtyǵan. Telearna tsifrlyq júiemen habar taratady. «Otaý TV» spýtniktik teledidary arqyly bizdi Qazaqstannyń kez kelgen buryshynan kórýge bolady. Habar taratýdyń ortasha táýliktik ýaqyty – 19 saǵat, onyń 55% - y memlekettik tilde júzege asyrylady. Telearnanyń Nur-Sultan qalasynda tilshiler qosyny bar. Odan bólek, Ońtústik Qazaqstan, Aqtóbe, Qaraǵandy, Qostanai jáne Soltústik Qazaqstan oblystaryndaǵy seriktesterimen tyǵyz bailanys ornatqan.
«Almaty» arnasy kino súier qaýymǵashytyrman oqiǵaly filmderdi, mahabbat melodramalaryn, qyzyqty komediialyqtelehikaialardy usynyp keledi. Al, jeksenbi kúnderi zamanaýi úzdik týyndylarmen qosa altyn qordan alynǵan klassikalyq kinofilmderdi kóre alady. Mereke kúnderi tikelei efir arqylyoiyn-saýyq sharalar men kontsertter kórsetilip, kórermen kóńilin aýlaidy.
Búginde «Almaty» telearnasy qala turǵyndaryn tolǵandyrǵan ózekti máselelerge mán berip, sheshimin birge tabýǵa baryn salýda.
