Ásem Núsipova Almaty ákiminiń orynbasary bolyp taǵaiyndaldy, - dep habarlaidy "Ult aqparat" qala ákimdiginiń baspasóz qyzmetine silteme jasap.
"Almaty ákimi Erbolat Dosaevtyń ókimi boiynsha, QR Prezidenti Ákimshiliginiń kelisimimen Almaty qalasy ákiminiń orynbasary bolyp Ásem Bekqyzy Núsipova taǵaiyndaldy", - delingen habarlamada.
Ol 2022 jyly 14 aqpanda densaýlyq saqtaý vitse-ministri qyzmetinen bosatylǵan bolatyn.
Ásem Núsipova 1975 jyly Almatyda dúniege kelgen. 1996 jyly Ál-Farabi atyndaǵy Qazaq memlekettik ulttyq ýniversitetin, 1998 jyly osy ýniversitettiń magistratýrasyn bitirgen.
2001-2003 jyldary Qaýipsizdik keńesiniń ekonomikalyq qaýipsizdik máseleleri jónindegi bóliminiń bas sarapshysy, Prezident Ákimshiliginiń júieli zertteýler ortalyǵynyń sarapshysy, sektor meńgerýshisi bolǵan.
2003-2007 jyldary Qarjy ministriniń keńesshisi, premer-ministrdiń keńesshisi, premer-ministr keńsesiniń Jiyntyq taldaý bóliminiń meńgerýshisi bolyp jumys istegen.
2007-2008 jyldary - densaýlyq saqtaý vitse-ministri.
2008-2016 jyldary - "Qaztransoil" AQ bas direktorynyń ekonomika jáne qarjy jónindegi orynbasary.
2016-2019 jyldary - Shyǵys Qazaqstan oblysy ákiminiń orynbasary.
