Almaty qalasy ákiminiń orynbasary Abzal Núkenov joǵary oqý oryndarynyń rektorlarymen kezdesti. Kezdesýde bilim berý júiesin damytý, ǵylymi zertteýlerdi kúsheitý jáne jastardyń qoǵamdyq, innovatsiialyq ári ekologiialyq bastamalarǵa kóptep qatystyrý jaiy talqylandy.
Almaty elimizdegi iri bilim jáne ǵylym ortalyǵy. Qalada 35 joǵary oqý orny jumys isteidi, onda 211 myńnan astam stýdent bilim alyp júr, olardyń 131 myńǵa jýyǵy – ózge óńirlerden kelgen jastar. 14 myńnan astam professor-oqytýshy quramynyń áleýeti qalanyń intellektýaldy damýyna tikelei áser etedi.
«Biz ýniversitetterdi Almatynyń ziiatkerlik keleshegin aiqyndaityn strategiialyq seriktester retinde qarastyramyz. Bilim sapasy jastardyń básekege qabilettiligin aiqyndaidy, al qalyptasatyn qundylyqtar – qoǵamnyń turaqtylyǵyn, mádenietin, innovatsiialyq damý deńgeiin jáne azamattyq jaýapkershiligin nyǵaitady», - dedi Almaty qalasy ákiminiń orynbasary Abzal Núkenov.
Kezdesýde memleket aldynda sapaly bilim berýdi qamtamasyz etý ǵana emes, sonymen birge zańǵa, tártipke qurmetpen qaraityn, qoǵam ómirine belsendi aralasatyn jaýapty azamattardy tárbieleý mindeti turǵany atap ótildi. Bul baǵytta joǵary oqý oryndary stýdenttik bastamalardy qoldaý, eriktilik qyzmetti damytý jáne salaýatty ómir saltyn qalyptastyrý arqyly mańyzdy ról atqarady. Sondai-aq jastardyń «Taza Qazaqstan» siiaqty ekologiialyq jobalarǵa qatysýy olardyń qalanyń ekologiialyq mádenietin damytýǵa naqty úles qosyp otyrǵanyn kórsetti.
Almaty qalasy ákiminiń janyndaǵy Ǵylym jáne tehnologiialar jónindegi keńestiń jumysyna da erekshe mán berildi. Bul keńes ǵylymi qaýymdastyq pen zertteý toptaryn biriktirip, qalanyń ǵylymi kún tártibin damytýǵa yqpal etedi. Ulttyq ǵylym akademiiasymen birlesip turaqty kezdesýler men forsait-sessiialar ótkizilip keledi.
Kezdesý barysynda ýniversitet basshylary bilim berý baǵdarlamalaryn jetildirý jáne qalalyq qurylymdarmen ózara is-qimyldy keńeitý jónindegi usynys bildirdi. Kezdesý qorytyndysy boiynsha jańa jobalardy damytý jáne qalanyń ǵylymi áleýetin nyǵaitý baǵytynda jumys toby qurylatyn boldy. Abzal Núkenov konstrýktivti dialog aldaǵy yntymaqtastyqtyń tabysty bolýyna berik negiz qalaidy degen senim bildirdi.
