Almaty qalasynyń ákimi Baqytjan Saǵyntaev qala turǵyndarymen ótetin eseptik kezdesýinde megapolistiń 2020 jylǵy áleýmettik-ekonomikalyq damýynyń nátijeleri men jetistikteri, sondai-aq 2021 jylǵa arnalǵan damý josparlary týraly aitady, dep habarlaidy "Ult aqparat".
Almaty qalasynyń ákimi Baqytjan Saǵyntaevtyń eseptik kezdesýi onlain formatta 17 aqpan kúni saǵat 10.00-de ótedi. Onlain transliatsiia ákimdiktiń saity men «Almaty» telearnasynda jáne áleýmettik jelidegi paraqshalarynda kórsetiledi.
Saýaldardy 1308 biryńǵai jelisi arqyly joldaýǵa bolady.Sonymen qatar suraqtardy 8 777 046 33 33 WhatsApp nómirine jiberýge nemese esep berý kezdesýiniń áleýmettik jelilerdegi transliatsiiada pikir retinde qaldyrýǵa bolady. Sondai-aq, qala turǵyndary Zoom platformasy arqyly tikelei efirge qosyla alady.
Budan ózge sanitarlyq normalary saqtalǵan arnaiy jabdyqtalǵan myna mekenjaidaǵy mekemege kelip suraq qoiýǵa nemese usynys qaldyrýǵa bolady:
Alataý aýdany – Alataý shyǵarmashylyq haby, Nurkent yqshamaýdany 5;
Naýryzbai aýdany – Naýryzbai aýdany ákimdiginiń apparaty, Shuǵyla yqshamaýdany 347;
Áýezov aýdany – Áýezov aýdany ákimdiginiń apparaty, 12-yqshamaýdany 23;
Bostandyq aýdany – Almaty Bas jospary ǵimaraty, Abai dańǵyly 90;
Jetisý aýdany – Jetisý aýdany ákimdiginiń apparaty, Serikov kóshesi 2A;
Medeý aýdany – Respýblika saraiy, Dostyq dańǵyly 56;
Almaly aýdany – «Nur Otan» partiiasy Almaty filialynyń ǵimaraty, Abylai han dańǵyly 79;
Túrksib aýdany – Almaty Halyqaralyq áýejaiynyń mádeniet úii;
Bul jerlerde turǵyndardyń suraǵy nemese usynysyn qabyldaityn arnaiy jáshikter ornatylady. Sonymen qatar, máselelerdi shuǵyl sheship jáne qaraý úshin qoǵamdyq qabyldaý bólmeleri ashyq bolady. Onda ákimdikterdiń ýákiletti qyzmetkerleri turǵyndardyń máseleleri boiynsha jumys isteidi.
Transliatsiia tómende kórsetilgen platformalarda ótedi:
facebook.com/groups/498553934155730/?ref=share
Sheshimin tabýdy qajet etetin ózekti másele týyndaǵan jaǵdaida hattyń mátininde aýdandy, mekenjai men bailanys nómirin kórsetý kerek.
