Almaty ákimi Baqytjan Saǵyntaev turǵyndarǵa esep berý kezdesýinde qalada azyq-túlik baǵasynyń ósý máselesine qatysty túsinik berdi, dep habarlaidy "Ult aqparat".
Tikelei efir barysynda almatylyqtar ákimnen azyq-túlik baǵasyn turaqtandyrýdy surap, ásirese jumyrtqa baǵasynyń sharyqtap ketkenine shaǵymdandy.
«Qazir jumyrtqa baǵasy Almatyda ǵana emes, búkil Qazaqstan boiynsha ósken. Buny sala mamandary maýsymdyq ósim dep otyr. Búgingi jańalyqtarda Reseide de osyndai másele bolyp jatqany aityldy. Bul jaǵdai aldaǵy ýaqytta turaqtalady dep oilaimyn», - dedi ákim.
Sonymen qatar ol qaladaǵy azyq-túlik baǵasyn turaqtandyrý boiynsha qandai jumystar atqarylyp jatqanyn tilge tiek etti.
«Byltyr biýdjetten 7 mlrd teńgeden astam qarajat bólip, áleýmettik mańyzy bar taýarlardyń qoryn jasadyq. Ol kezde 18 tizim boiynsha baǵany ustap qaldyq. Bul - baǵa ósimi boiynsha eldegi eń tómengi kórsetkish boldy. Muny qolǵa almasaq, baǵa odan ary sharyqtap keter edi»,-deidi Baqytjan Saǵyntaev.
