Almaty qalasynyń ákimi Baqytjan Saǵyntaev qaladaǵy jumys istep júrgen jastarǵa páter kiltin tabys etti, dep habarlaidy QazAqparat.
Búgin «Nurly jer» memlekettik baǵdarlamasy aiasynda 29 jasqa deiingi jumys isteitin jastarǵa 5 jyl merzimge 1050 jaldamaly páter berildi.
Taǵy 441 páter «Baqytty otbasy» jáne «Shańyraq» baǵdarlamalary boiynsha kópbalaly, tolyq emes jáne múgedek balalardy tárbielep otyrǵan otbasylar arasynda jeńildikpen kredit berý shartymen bólingen.
Páterler Naýryzbai aýdanyndaǵy «Alma Siti 5» TK jáne Alataý aýdanyndaǵy «Mádeniet» TK-de «Nurly jer» baǵdarlamasy boiynsha salynǵan úilerde ornalasqan.
Almaty ákimi Baqytjan Saǵyntaev jumys isteitin jastardy qoldaý 2019 jyldan bastap «Nurly jer» jalǵa beriletin turǵyn úi baǵdarlamasynyń Tuńǵysh Prezident - Elbasy N. Nazarbaevtyń tapsyrmasy boiynsha júzege asyrylyp jatqanyn atap ótti.
«Qalanyń damýyna óz úlesin qosatyn jastardy qoldaý – bizdiń basty mindetimiz. Memlekettik jáne qalalyq baǵdarlamalardyń arqasynda myńdaǵan qala turǵyndary qoljetimdi baspanaǵa ie bolady», - dep atap ótti Baqytjan Saǵyntaev.
Almaty ákimi jańa qonys ielerin el Táýelsizdiginiń 30 jyldyǵymen jáne kele jatqan Jańa jylmen quttyqtady.
Sony men qatar, «Almaty jastary» qalalyq baǵdarlamasy boiynsha ekinshi jyl qatarynan turǵyn úi satyp alý úshin myńdaǵan jeńildikti qaryzdar bólinýde.
Paiyzdyq mólsherleme – 5%, nesie merzimi – 25 jyl.
Biyl qaryz somasy 18 mln teńgege deiin ósti.
Aita keteiik, Táýelsizdik kúni qarsańynda qalanyń kommýnaldyq turǵyn úi qorynan kezekte turǵan halyqtyń áleýmettik osal toptaryna 211 páter bólindi.
Turǵyn úi «Nurly jer» memlekettik baǵdarlamasy aiasynda salynǵan Alataý aýdanyndaǵy «Mádeniet» TK ornalasqan.
Jalpy, aldyn ala esepteýler boiynsha, ótken jyly Almatynyń 5 400 turǵyny baspanaly bolady.
Jyl basynan beri 3 903 adam turǵyn úimen qamtamasyz etildi.
Onyń ishinde, «Baqytty otbasy» respýblikalyq baǵdarlamasy boiynsha (2-10-20) 441 nesie, «Shańyraq» respýblikalyq baǵdarlamasy boiynsha (5-10-20) 2 146 nesie berildi.
«Almaty jastary» qalalyq jeńildikpen nesielendirý baǵdarlamasy boiynsha búginde 973 nesie berildi.
Kommýnaldyq turǵyn úi qorynan 343 páter bólindi.
