Almaty qalasyna koronavirýspen kúreske kómek kórsetý úshin Reseiden bir top maman keldi. Bul týraly qala ákimi Baqytjan Saǵyntaev Instagram-daǵy paraqshasynda jazdy, dep habarlaidy "Ult aqparat".
«Baýyrlas qalalardyń yntymaqtastyǵy týraly kelisimshart sheńberinde Máskeýden Almatyǵa COVID-19 kúreske kómek kórsetý úshin bir top maman keldi. Onyń quramynda densaýlyq saqtaý salasynyń uiymdastyrýshylary, infektsionister, epidemiologtar, anesteziologtar, revmatologtar men pýlmonologtar bar», – dep jazdy Baqytjan Saǵyntaev.
Mamandardyń bir toby infektsiialyq statsionarlardyń jumysyn, aýyr naýqastardyń emdelý hattamalaryn jáne patsientterdi ornalastyrý jumystaryn baǵalaidy. Qalǵan top qoǵamdyq densaýlyq basqarmasynyń uiymdastyrý máselelerin, barlyq deńgeidegi KVI-den emdelýshilerge meditsinalyq qyzmettiń kórsetilý deńgeiine mán bermek.
«Al zerthanalyq zertteýler júrgizý, jańa statsionarlardy uiymdastyrý jáne ottegi gazdarymen emdeý máseleleri jeke pysyqtalady. Sondai-aq Mossanepidqadaǵalaýdyń epidemiologtary almatylyq áriptesterimen pikir almasyp, keńes beredi», – dep atap ótti ákim.
