Baqytjan Saǵyntaev seismikalyq kúsheitý men jańa korpýstardyń qurylysy aiaqtalýy tiis mektepterdi tekserdi, dep habarlaidy "Ult aqparat".
Almaty ákimi Baqytjan Saǵyntaev I.V. Panfilov atyndaǵy №54 qazaqstandyq-reseilik mamandandyrylǵan mektep-litseidiń ǵimaratyn seismikalyq kúsheitý barysymen tanysty. Kúrdeli jóndeý kezinde 1938 jyly salynǵan ǵimarattyń tarihi qasbeti qalpyna keltirilip, ashyq sport alańy jańartyldy.
Qala basshysy mekteptiń ýaqytynda paidalanýǵa berilýin qamtamasyz etýdi tapsyrdy.
«Orbita-1» shaǵynaýdanyndaǵy №60 mektep-gimnaziiada 600 oryndy jańa ǵimarat salyndy. Bul osy mekteptegi oqýshy ornynyń tapshylyǵyn joiýǵa múmkindik berdi.
Budan ózge, mektep aýmaǵynda jańarǵan sport alańy salyndy. Sonymen, burynnan bar sport zaldy eskersek, endi jańarǵan mektepte eki sport zal men ashyq sport alańy paida boldy.
Aita keteiik, Almatydaǵy 207 jalpy bilim beretin mekteptiń barlyǵy sport zaldarmen 100% qamtamasyz etilgen. Sondai-aq biyl 33 mektep stadionyn qaita qalpyna keltirýge 1 mlrd teńge bólindi. Orta bilim berý júiesinde 110 myń balany qamtityn 3 721 sport sektsiiasy jumys isteidi.
Sonymen qatar, memlekettik-jekemenshik áriptestik jobasy aiasynda bilim berý mekemeleriniń 8 sport alańy qaita jańǵyrtylyp jatyr. Buǵan deiin memleket-jekemenshik biznes jobasy aiasynda eki mekteptiń sport alańy jańarǵan bolatyn.
Qala ákimi Baqytjan Saǵyntaev oqýshylar arasynda koronavirýs infektsiiasynyń taralýyn boldyrmaý úshin mektepterdiń sanitarlyq qaýipsizdigin qamtamasyz etýdi tapsyrdy.
Densaýlyq jaǵdaiyna bailanysty emdeletinderdi qospaǵanda, memlekettik bilim berý uiymdarynyń barlyq qyzmetkerleri 100% vaktsinalanǵan.
Dástúrli bilim berý formatyna kóshý úshin mektepterde, balabaqshalarda, internattarda koronavirýs infektsiiasynyń taralýyn boldyrmaý sharalary júrgizilip jatyr.
Barlyq uiymdar jýǵysh jáne dezinfektsiialyq quraldarmen, sondai-aq antiseptiktermen jabdyqtalǵan.
Sabaq barlyq sanitarlyq-epidemiologiialyq talaptardy saqtai otyryp uiymdastyrylady, onyń ishinde termometriia, vizýaldy tekserý, efir, kvarts boiynsha da.
Sonymen qatar, Baqytjan Saǵyntaev D. Qonaev kóshesi, 127 meken-jaidaǵy 3 jasqa deiingi balalarǵa arnalǵan ońaltý ortalyǵynyń ǵimaratyn rekonstrýktsiialaý jobasymen tanysty.
Munda týa bitkennen bastap bir jasqa deiin týa bitken jáne tuqym qýalaityn aýrýlary bar balalar baqylanyp, ońaltýdan ótedi. Jobanyń basty maqsaty – balalar arasyndaǵy aýrýshańdyq pen múgedektikti tómendetý.
Qala ákimi Qonaev kóshesi, 122 meken-jaiyndaǵy ǵimaratty da qarap shyqty. Buryn munda qalalyq Áleýmettik ál-aýqat basqarmasy ornalasqan bolatyn, basqarma Áleýmettik qyzmetter úiine kóshken edi.
Endi nysan 18 jastan asqan múgedekterge arnalǵan kópsalaly ońaltý ortalyǵyna jáne aýtizmi bar balalarǵa qoldaý kórsetý ortalyǵyna ainalamaq.
