Almaty ákimi Baqytjan Saǵyntaev qalada kóshede júrgen úisizderdi qaida jibergenin túsindirdi, dep habarlaidy "Ult aqparat".
«Turǵylyqty mekenjaiy joq tulǵalarǵa qatysty saýaldar kóp boldy. Olar dalada qaldy, eshkimge keregi joq, tipti qalanyń syrtyna shyǵaryp jiberdi degen qaýeset te boldy. Bul másele bizdiń nazardan tys qalǵan joq. Biz olardyń qozǵalysyn baqylap otyrmyz», - dedi Baqytjan Saǵyntaev.
Ákimniń aitýynsha, olarǵa arnap shatyr qurylyp, 300 oryndyq qalashyq jasaldy.
«Olarǵa arnap kereýet, tósek jai, kiim-keshek, azyq-túlik daiyndaldy. Ainalasyna blokpost qoidyq. Jaryqtandyrý ornattyq. Osy adamdardyń keibirin qarttar úiine ornalastyrýdy oilastyryp jatyrmyz. Arasynda jumys isteýge niet bildirgenderdi jumyspen qamtýdyń jol kartasyna sáikes qyzmetke qabyldap jatyrmyz. Olar nazardan tys qalǵan joq», - dedi ákim.
