Almatyda turmysy tómen jáne kópbalaly otbasylarǵa qoldaý kórsetý úshin jańa jumys oryndary ashylady, dep habarlaidy "Ult aqparat" Baqytjan Saǵyntaevtyń Instagram paraqshasyna silteme jasap.
«Kópbalaly analardyń «Baqytty otbasy» ortalyǵynyń jumysymen tanystym. Az qamtylǵan jáne kópbalaly otbasylardyń máseleleri boiynsha jaqsy aqyldasý alańy eken. Mundai ortalyqtardyń áleýetteri úlken. Sondyqtan aýdan ákimderine jyl aiaǵyna deiin osyndai balamaly ortalyqtar ashýdy tapsyrdym. Budan ózge, E. Áýkenovke «Isker ana» baǵdarlamasyn ázirleý jáne bir ai ishinde ony iske qosý boiynsha tapsyrma berdim. Bul baǵdarlama qajetti zattarǵa qatysty kórsetiletin sharalardy naqtylaidy. Olar: jabdyqtar men qyzmet kórsetý, jańa isti meńgerýge, osy otbasylardy asyrýdyń kózi bolyp tabylatyn mamandyqty igerýge beiimdeý», - deidi Almaty qalasynyń ákimi Baqytjan Saǵyntaev.
Az qamtylǵan jáne kópbalaly otbasylarǵa qoldaý kórsetý úshin jańa jumys oryndaryn ashý qajet. Bul mindetti qala basshysy aýdan ákimderi men basqarmalarǵa júktedi. Sondai-aq aýdan ákimdikteri kópbalaly analarmen tikelei dialogta bolýlary tiis ekenin tilge tiek etti.
