Baqytjan Saǵyntaev Almatynyń biýdjeti esebinen salynǵan úilerdiń sapasyn tekserdi, dep habarlaidy "Ult aqparat".
Baqytjan Saǵyntaev Túrkistan oblysyna jumys saparymen bardy. Ol eń aldymen Arys qalasynda qaita qalpyna keltirilgen úilerdiń sapasyn tekserdi.
Eske salsaq, qala 24 maýsymda bolǵan jarylys saldarynan aitarlyqtai zardap shekken edi. Búkil el bolyp jumylyp, qala qalpyna keltirildi. Ol úshin oblystar men respýblikalyq mańyzy bar qalalar sany boiynsha Arysty 17 sektorǵa bóldi. Almatyǵa №14 sektor berildi.
Ońtústik astananyń jaýapkershilik aimaǵynda qalpyna keltirýdi qajet etetin 531 úi anyqtaldy. Onyń 503-i qaita qalpyna keltirilip, kúrdeli jóndeýden ótti. 28 baspana jańadan salyndy.
Almaty sektorynda quramynda 300 qurylysshysy bar bes qurylys kompaniiasy jumys istedi.
Aita keteiik, 24 maýsymda Túrkistan oblysynyń Arys qalasynda ornalasqan áskeri bólimdegi oq-dáriler qoimasynda jarylys boldy. Jarylystarda 3 adam - Arys qalasynyń turǵyny jáne eki áskeri qyzmetker qaza tapty.
