باقىتجان ساعىنتاەۆ الماتىنىڭ بيۋدجەتٸ ەسەبٸنەن سالىنعان ٷيلەردٸڭ ساپاسىن تەكسەردٸ, دەپ حابارلايدى "ۇلت اقپارات".
باقىتجان ساعىنتاەۆ تٷركٸستان وبلىسىنا جۇمىس ساپارىمەن باردى. ول ەڭ الدىمەن ارىس قالاسىندا قايتا قالپىنا كەلتٸرٸلگەن ٷيلەردٸڭ ساپاسىن تەكسەردٸ.
ەسكە سالساق, قالا 24 ماۋسىمدا بولعان جارىلىس سالدارىنان ايتارلىقتاي زارداپ شەككەن ەدٸ. بٷكٸل ەل بولىپ جۇمىلىپ, قالا قالپىنا كەلتٸرٸلدٸ. ول ٷشٸن وبلىستار مەن رەسپۋبليكالىق ماڭىزى بار قالالار سانى بويىنشا ارىستى 17 سەكتورعا بٶلدٸ. الماتىعا №14 سەكتور بەرٸلدٸ.
وڭتٷستٸك استانانىڭ جاۋاپكەرشٸلٸك ايماعىندا قالپىنا كەلتٸرۋدٸ قاجەت ەتەتٸن 531 ٷي انىقتالدى. ونىڭ 503-ٸ قايتا قالپىنا كەلتٸرٸلٸپ, كٷردەلٸ جٶندەۋدەن ٶتتٸ. 28 باسپانا جاڭادان سالىندى.
الماتى سەكتورىندا قۇرامىندا 300 قۇرىلىسشىسى بار بەس قۇرىلىس كومپانيياسى جۇمىس ٸستەدٸ.
ايتا كەتەيٸك, 24 ماۋسىمدا تٷركٸستان وبلىسىنىڭ ارىس قالاسىندا ورنالاسقان ەسكەري بٶلٸمدەگٸ وق-دەرٸلەر قويماسىندا جارىلىس بولدى. جارىلىستاردا 3 ادام - ارىس قالاسىنىڭ تۇرعىنى جەنە ەكٸ ەسكەري قىزمەتكەر قازا تاپتى.
