Almaty ákimi Baýyrjan Baibek AQSh-tyń Bas konsýly Erik Maiermen kezdesti, dep habarlaidy QazAqparat tilshisi.
Kezdesý kezinde taraptar saýda-ekonomikalyq, investitsiialyq, mádeni-gýmanitarlyq yntymaqtastyq máselelerin talqylady.
AQSh-tyń Bas konsýly Qazaqstannyń iskerlik, mádeni, bilim jáne ǵylym ortalyǵy bolyp tabylatyn Almatynyń eki jaqty bailanys úshin mańyzdy ekenin atap ótti.
«Almaty - Amerika konsýldyǵy jáne Qazaqstanda biznes ashýǵa yntaly AQSh kompaniialary júginetin Amerika saýda palatasy ornalasqan Orta Aziiadaǵy jalǵyz qala. Men munda 2004 jáne 2008 jyldary bolǵan edim. Qala sondai tartymdy, qaita ainalyp kele bergiń keledi. Osy jerde jumys isteýge múmkindik týǵanyna qýanyshtymyn. Men Almatyda úlken oń ózgeristerdiń bolǵanyn kórdim, jaiaý júrginshiler úshin jaqsy infraqurylym jasalǵany baiqalady, qoǵamdyq keńistik barynsha ashyla túsken», - dedi Erik Maier.
Almatyda qazir telekommýnikatsiia, qarjy, saýda jáne basqa salalarda amerikandyq kapitalmen 168 kompaniia jumys isteidi.
Almaty men AQSh arasyndaǵy taýar ainalymy ótken jyly 400 million AQSh dollarynan asty.
