Almatyda qala ákiminiń ókimimen Almas Batanov Strategiia jáne biýdjet basqarmasynyń basshysy bolyp taǵaiyndaldy, dep habarlaidy "ULt aqparat".
Almas Batanov 1977 jyldyń 21 qarashasynda týǵan. 2000 jyly - Qazaq memlekettik agrarlyq ýniversitetin, al 2004 jyly Almatynyń tehnologiia jáne biznes ýniversitetin, 2010 jyly Nottingem Ýniversitetin támamdaǵan.
Eńbek jolyn 2000 jyly Almaty qalasyndaǵy «Metrologiia» respýblikalyq memlekettik kásiporynda jetekshi maman bolyp bastaǵan.
2000 jyldan 2009 jyldar aralyǵynda Almaty jáne Nur-Sultan qalalarynda «Qazaq metrologiia institýty» respýblikalyq memlekettik kásiporny ortalyǵynda bas maman, basqarma basshysy, ortalyq basshysynyń orynbasary, ortalyq basshysy qyzmettterin atqarǵan.
2013 jyldan 2014 jyldar aralyǵynda QR óńirlik damý Ministrliginiń óńirlik monitoring jáne baǵalaý departamentiniń direktory boldy.
2014 jyldan 2016 jyldar aralyǵynda QR Premer-ministri orynbasarynyń keńesshisi, QR Ulttyq ekonomika ministrligi Statistika komiteti tóraǵasynyń orynbasary laýazymdarynda boldy.
2016 jyldan 2019 jyldyń sáýiri aralyǵynda QR Premer-ministri keńsesi basshysynyń orynbasary, QR Indýstriia jáne infraqurylymdyq damý ministrligi Indýstrialdy damý jáne ónerkásiptik qaýipsizdik komitetiniń tóraǵasy, sonymen qatar QR Memlekettik hatshysy hatshylyǵynyń meńgerýshisi qyzmetterin atqarǵan.
