Almaty qalalyq ákimdiginiń bailanys qyzmetiniń basshysy, Almaty ákimi Baqytjan Saǵyntaevtyń baspasóz hatshysy bolyp Áset Muqajanov taǵaiyndaldy, dep habarlaidy "Ult aqparat".
Bul týraly ol óziniń Instagramdaǵy paraqshasynda jariia etti.
«Dostar! Sizderge Qoǵammen bailanys qyzmetiniń basshysy, Almaty ákimi Baqytjan Saǵyntaevtyń baspasóz hatshysy retinde ún qatyp otyrmyn.
Almaty qashanda ómirdiń barlyq salasynda eń belsendi boldy jáne solai bola beredi. Jýrnalistik qaýymdastyq osynda qalyptasty, tipti kúni búginge deiin qalanyń BAQ-da otandyq jýrnalistikanyń metrleri jumys jasap júr.
BAQ-men ózara tyǵyz bailanys ornatý maqsatynda qala ákimdiginde baspasóz-ortalyǵy quryldy, osy pikirtalas alańynda basqarmalar men aýdandyq ákimdikter basshylary qalany damytýdyń ózekti taqyryptary boiynsha naqtyly aqparattar beretin bolady. Men sizderdi dialogqa shaqyramyn», - dep jazdy Áset Muqajanov.
Áset Muqajanov 1990 jyly Qaraǵandy oblysynda dúniege kelgen.
Beijiń ekonomikalyq ýniversitetin «álemdik ekonomika» mamandyǵy boiynsha bitirgen.
Ár jyldary «Samuryq Qazyna» ál-aýqat qory AQ, «Bolashaq» halyqaralyq baǵdarlamalar ortalyǵynda, QR Aqparat jáne kommýnikatsiialar ministrliginde qyzmet istegen.
2014-2016 jyldary Kommýnikatsiialar jáne jańalyqtar basqarmasyn basqarǵan.
QR Prezidenti janyndaǵy «Ortalyq kommýnikatsiialar qyzmetiniń» resmi ókili bolǵan.
2016-2019 jyldary QR Premer-Ministri keńsesiniń qurylymynda eńbek etken.
