Almaty ákimdigi jekemenshik balabaqshalarda balalardy tamaqtandyrýǵa tóleitin ata-analardyń shyǵyndaryn óteitin boldy. Bul týraly onlain brifing barysynda Almaty qalalyq bilim basqarmasynyń basshysy Lázzat Jylqybaeva málim etti, dep habarlaidy "Ult aqparat".
Almaty qalasynyń ákimi Baqytjan Saǵyntaevtyń bastamasymen balabaqshalardaǵy kezekti edáýir tómendetý maqsatynda jergilikti biýdjetten memlekettik bilim berý tapsyrysy bar jeke balabaqshalardaǵy tárbielenýshiniń jasyna qaramastan tamaqtanýǵa jumsalatyn shyǵyndardyń 100% - yn óteý josparda. Sýbsidiia somasy 18 900 teńgeni quraidy.
«Bul jumys jeke sektormen talqylandy. Qazirgi ýaqytta úkimettik emes uiymdar jáne jeke sektormen kelisim boiynsha ólshemder ázirlendi. Ótinimderdi qabyldaý aqpan aiynyń basynda bastalady. Qarajat ótinimderdiń túsýine bailanysty anyqtalady. Qansha oryn anyqtalsa, sonsha orynǵa qarjy bólinedi», - dedi L.Jylqybaeva.
Qazirgi ýaqytta 397 jekemenshik balabaqshada memlekettik bilim berý tapsyrysy ornalastyrylǵan. Bul bir balaǵa aiyna 28 myń teńge. Sonymen qatar, tamaqtaný úshin 18 900 teńge qosymsha sýbsidiia tek qosymsha oryndar úshin beriletin bolady.
