.webp)
Foto: unsplash
Almaty ákimdigi áli ashylmaǵan qalalyq krematoriige injenerlik kommýnikatsiia júrgizýi tiis merdigerdi sotqa berdi, - dep habarlaidy «Ult aqparat» qalalyq qurylys basqarmasyna silteme jasap.
Vedomstvo málimetinshe, krematorii qurylysynyń bas jospary eki táýelsiz jobaǵa bólingen: ǵimarat qurylysy jáne injenerlik jelilerdiń qurylysy. Ǵimarattaǵy qurylys-montaj jumystary 2021 jylǵy jeltoqsanda aiaqtaldy.
"Krematoriidiń tolyqqandy jumys isteýi úshin syrtqy jeliler boiynsha joba túzetýge jiberildi. Túzetý gaz qubyrynyń magistraldyq jelisiniń ózgerýine (tozýy) bailanysty júrgizildi. Syrtqy jeliler boiynsha jumystar aiaqtalý satysynda 95 paiyzǵa oryndaldy. Sharttyń qoldanylý merziminiń aiaqtalýyna jáne sharttyq mindettemelerdiń tiisti túrde oryndalmaýyna bailanysty 2023 jylǵy 20 jeltoqsanda "TarazQurylysInvest" JShS merdigerlik uiymyna Almaty Mamandandyrylǵan aýdanaralyq ekonomikalyq sotyna (MAES) ony Memlekettik satyp alýdyń josyqsyz qatysýshysy dep taný jáne Almatynyń jergilikti biýdjetiniń kirisine turaqsyzdyq aiybyn óndirip alý týraly talap aryz berildi. Qazirgi ýaqytta sot protsesi júrip jatyr, nátijeleri qosymsha habarlanady", - dep habarlady Almaty ákimdigi.
Qazaqstandaǵy alǵashqy krematorii Almatynyń Alataý aýdanynda.
