Foto Tengrinews.kz/Alihan Sariev i Ainash Ondiris
Almaty ákimdigi ǵimaratyna 20 mlrd teńgeniń shyǵyny keltirildi. Bul týraly Almaty ákiminiń orynbasary Iliias Óserov qalanyń tynys-tirshiligin qalpyna keltirý jónindegi qalalyq shtab otyrysynda aitty, dep habarlaidy QazAqparat.
Onyń aitýynsha, Almatyda jappai tártipsizdik kezinde kelgen shyǵyn eseptelip jatyr.
Aldyn ala esep boiynsha shyǵyn kólemi - 112,6 mlrd teńge. Onyń 67 mlrd teńgesi biznes sýbektilerine tiesili.
Almatydaǵy búlikten keiin 240 nysan zardap shekti.
Basym bóligi esik-terezesin aýystyrýdy qajet etedi jáne jartylai órtengen nysandar bar.
Onyń 27-i - memlekettik mekeme ǵimaraty, 216-y - shaǵyn jáne orta biznes nysany.
«Ákimshilik ǵimarattarǵa 22,6 mlrd teńge shyǵyn keldi. Almaty ákimdigi ǵimaratyna - 20 mlrd tańge, prokýratýra ǵimaratyna – 2 mlrd, politsiia departamenti men bólimshelerine – 205 mln, ekobeketterge - 163 mln, meditsina nysandaryna – 2 mln teńgeniń shyǵyny kelgen», - deidi ol.
