Almaty ákimdigi dárihanalarda dári baǵasy baqylaýǵa alynǵanyn aityp, osy ýaqytqa deiin zańbuzýshylyq tirkelmegenine sendirdi, dep habarlaidy "Ult aqparat".
QR farmatsevtikalyq qyzmetti qoldaý jáne damytý qaýymdastyǵynyń prezidenti Marina Dýrmanova QR DSM №104 buiryǵyna sáikes, dáriniń shekti baǵasy belgilengenin aitty.
«Bizde dári baǵasyn memleket retteidi. Sondyqtan, árbir ózin qurmetteitin biznesmen osy shekti baǵany asyp ketpeidi. Óitkeni birinshi márte oǵan úlken kólemde aiyppul salynady. Ekinshi ret kásiporynnyń jumysy 6 aiǵa toqtatylýy múmkin. Biznes jabyldy dep sanaýǵa da bolady», - dedi ol.
Onyń aitýynsha, dárihanalar tarapynan zańbuzýshylyq tirkelmedi.
«Bizde shekti baǵa bar. Mysaly paratsetamol buryn 70-80 teńge bolǵan. Shekti baǵasy - 128 teńge. Odan qymbat bolýy múmkin emes. Dárihanalardyń bireýi de bul baǵany kótergen emes. Baǵany kóterý týraly áńgime boldy. Biraq, baǵa qymbattamady», - dedi Marina Dýrmanova.
Al qala ákiminiń orynbasary Saparbek Tuiaqbaev qala dárihanalaryndaǵy baǵany arnaiy komissiia baqylaýda ustap otyrǵanyn aitty.
«Baǵa kóterý boiynsha bir de bir derek kezdespedi. Biz qatań baqylaýǵa almas buryn bireýler 3 paratsetamol ornyna 100 qaptama satyp alyp otyrǵan. Sosyn ony internet arqyly satyp otyrǵan. Bul derekterdi biz politsiiaǵa berdik. 11 derek anyqtaldy», - dedi S.Tuiaqbaev.
Onyń aitýynsha, qalada 800 dárihana bar. Olardyń jumysy ákimdik pen farmkompaniialar arasyndaǵy kelisim negizinde baqylaýǵa alynǵan.
