video kadry
Almaty ákimdigi ókilderi qoǵamdyq kólik nelikten jetispeitinin túsindirdi, - dep habarlaidy Tengrinews.kz saity.
Kúndelikti Instagram jáne Facebook áleýmettik jelilerinde qala turǵyndarynyń ishinde adam lyq toly avtobýstarǵa shaǵymdanatyn videolary jariialanady. Bul jait qarbalas ýaqytta - tańerteń, keshke únemi qaitalanady.
Ákimdik málimetinshe, kóp jaǵdaida qozǵalys aralyǵynyń jiileýi qala joldaryndaǵy jaǵdaiǵa bailanysty bolady.
Almatyda jolaýshylar sany jumys kúnderi 1,5 million adam bolady, demalys kúnderi shamamen 700-800 myń adamǵa jetedi.
"Jolaýshylar sany men ótinishterdi taldaý nátijesine sáikes, avtobýstardaǵy adamnyń kóbeiýi boiynsha eń aýyr júkteme qarbalas ýaqytta qala mańyndaǵy marshrýttarda baiqaldy. Jolaýshylardy kóbirek qamtý úshin ákimdik qala mańyndaǵy eldi mekenderdi (Ile, Talǵar, Qarasai, Jambyl jáne Eńbekshiqazaq aýdandary) Almaty qalasymen bailanystyratyn 22 jańa turaqty qala mańy marshrýttaryn uiymdastyrdy. Kólik sany 300-den asady. Sonymen qatar, 20-dan asa qalalyq marshrýttardyń shemalary qala mańyndaǵy aimaqty qamtidy, bul aglomeratsiia aýmaǵyn qoǵamdyq kólikpen qamtý kólemin arttyrady. Jańa avtobýstar iske qosyldy", - delingen basylymnyń resmi suraýyna berilgen ákimdik jaýabynda.
2023 jyly Almaty qalalyq Mobildilik basqarmasy jańa baǵyttardy kezeń-kezeńimen ashýdy josparlap otyr.
Búginde Almatyda 158 turaqty qala jáne qala mańynda júretin marshrýttar bar, olarǵa jospar boiynsha 2079 avtobýs tartylǵan. Shyn máninde, tehnikalyq sebepterge bailanysty 1950 avtobýsqa deiin qysqarý bar. Qajettiligi shamamen 1200 avtobýs.
"Avtobýstardyń jetispeýshiligi máselesi jańa avtobýstardyń satyp alynýymen sheshilip jatyr. Mysaly, keiingi bir aida jeke tasymaldaýshy 100 kólik satyp aldy, qazir olar eń kóp júretin baǵyttarǵa qyzmet kórsetedi. 2023 jyly Almaty qalasynyń ákimdigi 300 jańa avtobýs satyp alýdy jáne 100 trolleibýsty jańartýdy josparlap otyr, jeke parkter 150 dana gazben júretin avtobýs satyp alyp jatyr", - dedi vedomstvo ókilderi.
Sonymen qatar, 2025 jyly paidalanýǵa beriledi dep josparlanǵan Qalqaman metro stantsiiasynyń qurylysy júrip jatyr. Batys baǵytta "Barlyq" bazaryna deiin metro qurylysy jalǵasyp jatyr. 2022 jyldyń mamyrynda eki jańa metro stantsiiasynyń paidalanýǵa berilýimen jolaýshylar aǵyny eki esege artyp, búginde kúnine 90 000-ǵa jýyq jolaýshy bolyp otyr.
