Almatylyq turǵyn apatty úidi buzý týraly talabyn plakatqa jazyp, terezesine ilip qoiǵan. Qala ákimdigi osy máselege qatysty túsinik berdi, dep habarlaidy QazAqparat.
Buǵan deiin áleýmettik jelide tozyǵy jetken úi turǵyndarynyń biri terezesine úidi buzýdy talap etken plakat ilip qoiǵan sýret paida bolǵan edi. Sonymen qatar, habarlamada qalalyq ákimdiktiń buzýǵa ruqsat bermeitini týraly jazylǵan.
Almaty ákimdigi jazbaǵa qatysty túsinik berdi.
«Bizdi tez arada buzyńyzdar» degen belgisi bar úi Shevchenko kóshesi, 113 mekenjaida ornalasqan jáne Almaty qalasyndaǵy eski úiler tizimine kiredi.
Renovatsiia aiasynda (Almaly aýdany ákiminiń apparatymen) atalǵan ýchaskege áleýetti investor – «VEK korporatsiiasy» qurylys kompaniiasy tartyldy. Qazirgi kezde qurylys salýshy men turǵyndar arasynda satyp alý sharttary boiynsha kelissózder júrgizilýde.
«Qurylys kompaniiasynan usynylǵan qujattardyń sáikes kelmeýi saldarynan qurylystardy súrý boiynsha jumystar keshenin júrgizýge sheshim berilmeitin boldy. Eskertýler joiylǵan jaǵdaida másele zańǵa sáikes qaralatyn bolady», - dep habarlady ákimdikten.
