Almaty aglomeratsiiasyn damytýdyń úsh kezeńdi baǵdarlamasy ázirlenedi. Bul týraly Almaty ákimi Baqytjan Saǵyntaev Instagram-paraqshasynda jazdy, dep habarlaidy "Ult aqparat".
«Premer-Ministr Asqar Mamin jumys saparymen qalamyzda boldy. Megapolistiń damý máseleleri talqylandy. Almaty oblysy ákimdigimen ózara óńiraralyq bastamamyz Úkimettiń qoldaýyna ie boldy. Premer-Ministrdiń tapsyrmasy boiynsha Almaty oblysynyń ákimimen, qarjy jáne Ulttyq ekonomika ministrlikterimen birlesip, Almaty aglomeratsiiasyn damytýdyń úsh kezeńdi baǵdarlamasyn ázirleitin bolamyz. Azyq-túlik blogy baǵytynda naqty jumystar atqarylyp, budan ózge energetika, kólik, densaýlyq saqtaý, turǵyn úi salasynda da birlesken jobalardyń tizbesi belgilendi», - dedi Baqytjan Saǵyntaev.
Onyń aitýynsha, birlesken jobalardy iske asyryp, ilgeriletý úshin Almaty men Almaty oblysynyń jobalyq keńsesin qurý qajet.
Baqytjan Saǵyntaev pen Almaty oblysynyń ákimi Amandyq Batalov qai baǵytta jumys jasaitynyn anyqtady. Olar:
1) qalamen shekaralas aýdandarda júiesiz qurylysty toqtatý;
2) almatylyqtarǵa beriletin baspanany kóterý úshin ýchaskeler aimaǵyn anyqtaý, injenerlik jáne áleýmettik infraqurylymdy damytý;
3) damyp kele jatqan shekaralyq aimaqtarda ShOB sýbektilerin damytý;
4) jumyspen qamtý;
5) qalaǵa kiretin kólik júktemesin azaitý.
