Foto: QR TSM
Ázerbaijannyń Giandja qalasynda TMD-ǵa múshe memleketterdiń Dene shynyqtyrý jáne sport salasyndaǵy yntymaqtastyq jónindegi Keńesiniń otyrysy ótti, dep habarlaidy Ult.kz.
Jiynǵa Ázerbaijan Respýblikasynyń Jastar jáne sport ministri Farid Gaibov, sondai-aq Belarýs, Qyrǵyzstan, Resei, Tájikstan, Túrikmenstan, Ózbekstan sport vedomstvolarynyń basshylary men TMD Atqarýshy komitetiniń ókilderi qatysty.
Keńes qorytyndysynda birlesken jobalar, halyqaralyq sporttyq is-sharalar jáne elder arasyndaǵy yntymaqtastyqty arttyrý máseleleri qaraldy.
2024 jylǵy 12 sáýirde TMD Syrtqy ister ministrleri Almatyny 2026 jyldyń resmi sport astanasy dep jariialaý týraly sheshim qabyldaǵan bolatyn.
QR Sport jáne dene shynyqtyrý isteri komiteti tóraǵasynyń orynbasary Amanbai Nurmuhanbetovtiń aitýynsha, Almaty bul mártebeni laiyqty atqarýǵa tolyq daiyn:
-
qalada 3 myńnan astam sport nysany bar;
-
«Almaty Arena», «Halyq Arena» siiaqty zamanaýi keshender jumys isteidi;
-
halyqaralyq deńgeidegi «Suńqar» shańǵy tramplinderi ornalasqan.
«TMD sport astanalary» baǵdarlamasy aiasynda Almatyda túrli halyqaralyq forýmdar, sporttyq jarystar, jastar men inkliýzivti jobalar ótkizilmek.
Aita keteiik, 28 qyrkúiek pen 8 qazan aralyǵynda Ázerbaijanda TMD-nyń III Oiyndary ótip jatyr. Qazaqstan quramasy 18 sport túri boiynsha baq synaýda.
