Prezident Qasym-Jomart Toqaevtyń Mańǵystaý oblysyna jumys sapary sheńberinde óńirdiń áleýmettik-ekonomikalyq damýyna arnalǵan keńes ótip, onda «Samuryq-Qazyna» AQ basqarma Tóraǵasy Almasadam Sátqaliev baiandama jasady.
Óz sózinde Qor basshysy «Samuryq-Qazyna» toby úshin Mańǵystaý óńiriniń orny erekshe ekenin atap kórsetti. Oblystaǵy 40 kásiporyn Qordyń enshiles kompaniialary. Quiylǵan investitsiialardyń jalpy somasy 790 mlrd teńgeden asyp jyǵylady.
Qazirgi tańda Qor bul óńirde iri investitsiialyq jobalardy iske asyryp jatyr:
• Qarajanbas kenornynda sýdy tushylaý qondyrǵysynyń qurylysy.
• Jańaózen qalasynda gaz óńdeý zaýytynyń qurylysy.
• Beineý-Jańaózen gaz qubyryn kúrdeli jóndeýden ótkizý.
•Quryq portynda parom kesheniniń qurylysyn aiaqtaý.
2021-2024 j.j. Qor tobymen jalpy quny 674 mlrd teńgeden asatyn jańa investitsiialyq jobalardy júzege asyrylmaq.
Qor bul óńirde qaiyrymdylyq sharalaryn jii ótkizedi. Sońǵy jyldary densaýlyq saqtaý, bilim berý jáne sportty damytý salalarynda jalpy quny 1 milliard teńgeden asatyn 16 joba iske qosyldy. Biyl Jańaózen qalasynda 10 mlrd teńgege baǵalanatyn zamanaýi meditsina ortalyǵynyń qurylysy aiaqtalady.
Sporttyq jáne balalar oiyn alańdary ashyldy. Mektep avtobýstary men jedel járdem kólikteri satyp alyndy, munaigaz salasynyń ardagerlerine únemi kómek kórsetiledi. Jyl sońyna deiin Jańaózen qalasynda sport kesheni jabdyqtalyp, Aqtaý qalasynda ońaltý ortalyǵy esigin aiqara ashady.
Áleýmettik turaqtylyq máselelerine de erekshe kóńil bólinýde.
«QazMunaiGaz» kompaniiasy jáne vedomstvoaralyq komissiiamen eńbek daýlaryn sheshý jolynda belsendi jumys atqarylyp keledi:
• Qor janynan áleýmettik turaqtylyqtyń jedel shtaby quryldy;
• merdiger kompaniialarmen kelissózder júrgizildi;
•qyzmet kórsetý qunyn eńbekaqyny tómendetý esebinen azaitýǵa jol bermeitin tiimdi birlesken mehanizmder ázirlendi;
• Qordyń satyp alýlar júiesine ózgerister engizildi.
