پرەزيدەنت قاسىم-جومارت توقاەۆتىڭ ماڭعىستاۋ وبلىسىنا جۇمىس ساپارى شەڭبەرٸندە ٶڭٸردٸڭ ەلەۋمەتتٸك-ەكونوميكالىق دامۋىنا ارنالعان كەڭەس ٶتٸپ, وندا «سامۇرىق-قازىنا» اق باسقارما تٶراعاسى الماسادام سەتقاليەۆ بايانداما جاسادى.
ٶز سٶزٸندە قور باسشىسى «سامۇرىق-قازىنا» توبى ٷشٸن ماڭعىستاۋ ٶڭٸرٸنٸڭ ورنى ەرەكشە ەكەنٸن اتاپ كٶرسەتتٸ. وبلىستاعى 40 كەسٸپورىن قوردىڭ ەنشٸلەس كومپانييالارى. قۇيىلعان ينۆەستيتسييالاردىڭ جالپى سوماسى 790 ملرد تەڭگەدەن اسىپ جىعىلادى.
قازٸرگٸ تاڭدا قور بۇل ٶڭٸردە ٸرٸ ينۆەستيتسييالىق جوبالاردى ٸسكە اسىرىپ جاتىر:
• قاراجانباس كەنورنىندا سۋدى تۇششىلاۋ قوندىرعىسىنىڭ قۇرىلىسى.
• جاڭاٶزەن قالاسىندا گاز ٶڭدەۋ زاۋىتىنىڭ قۇرىلىسى.
• بەينەۋ-جاڭاٶزەن گاز قۇبىرىن كٷردەلٸ جٶندەۋدەن ٶتكٸزۋ.
•قۇرىق پورتىندا پاروم كەشەنٸنٸڭ قۇرىلىسىن اياقتاۋ.
2021-2024 ج.ج. قور توبىمەن جالپى قۇنى 674 ملرد تەڭگەدەن اساتىن جاڭا ينۆەستيتسييالىق جوبالاردى جٷزەگە اسىرىلماق.
قور بۇل ٶڭٸردە قايىرىمدىلىق شارالارىن جيٸ ٶتكٸزەدٸ. سوڭعى جىلدارى دەنساۋلىق ساقتاۋ, بٸلٸم بەرۋ جەنە سپورتتى دامىتۋ سالالارىندا جالپى قۇنى 1 ميلليارد تەڭگەدەن اساتىن 16 جوبا ٸسكە قوسىلدى. بيىل جاڭاٶزەن قالاسىندا 10 ملرد تەڭگەگە باعالاناتىن زاماناۋي مەديتسينا ورتالىعىنىڭ قۇرىلىسى اياقتالادى.
سپورتتىق جەنە بالالار ويىن الاڭدارى اشىلدى. مەكتەپ اۆتوبۋستارى مەن جەدەل جەردەم كٶلٸكتەرٸ ساتىپ الىندى, مۇنايگاز سالاسىنىڭ ارداگەرلەرٸنە ٷنەمٸ كٶمەك كٶرسەتٸلەدٸ. جىل سوڭىنا دەيٸن جاڭاٶزەن قالاسىندا سپورت كەشەنٸ جابدىقتالىپ, اقتاۋ قالاسىندا وڭالتۋ ورتالىعى ەسٸگٸن ايقارا اشادى.
ەلەۋمەتتٸك تۇراقتىلىق مەسەلەلەرٸنە دە ەرەكشە كٶڭٸل بٶلٸنۋدە.
«قازمۇنايگاز» كومپانيياسى جەنە ۆەدومستۆوارالىق كوميسسييامەن ەڭبەك داۋلارىن شەشۋ جولىندا بەلسەندٸ جۇمىس اتقارىلىپ كەلەدٸ:
• قور جانىنان ەلەۋمەتتٸك تۇراقتىلىقتىڭ جەدەل شتابى قۇرىلدى;
• مەردٸگەر كومپانييالارمەن كەلٸسسٶزدەر جٷرگٸزٸلدٸ;
•قىزمەت كٶرسەتۋ قۇنىن ەڭبەكاقىنى تٶمەندەتۋ ەسەبٸنەن ازايتۋعا جول بەرمەيتٸن تيٸمدٸ بٸرلەسكەن مەحانيزمدەر ەزٸرلەندٸ;
• قوردىڭ ساتىپ الۋلار جٷيەسٸنە ٶزگەرٸستەر ەنگٸزٸلدٸ.
