Kollaj: ulysmedia.kz
Bul týraly jýrnalictermen ótken kezdesýde Vitse-premer Eraly Toǵjanov aitty, dep habarlaidy ulysmedia.kz.
QR Premer-ministriniń orynbasary Eraly Toǵjanov jýrnalisterge osy aptada qabyldanǵan «Halyqtyń tabysyn arttyrý» baǵdarlamasyn qysqasha tanystyrdy. Aýqymdy jobada buryn-sońdy aityla bermeitin baǵyttardyń biri – kreativti indýstriia uǵymy bar. Úkimet kreativti indýstriiany damytý arqyly, tabys tabýdy jolǵa qoimaq. Onyń ishinde kreativti hab qurý, kreativti indýstriianyń JIÓ-degi úlesin 5%-ǵa arttyrý, osy salda 80 myń jumys ornyn ashý kózdelip otyr. Aýdiovizýaldy óner, media shyǵarmashylyq qyzmet, kompiýterlik grafika baǵyttaryna basymdyq berilmek.
«Kreativti indýstriia bul jańa baǵyt. Qazaqstanda joq. Bul jumys tobyn Almas Jali basqarady. Almatyǵa baryp jigittermen kezdestim. Ony osy jumys tobyn basqarýǵa shaqyrdym. Áleýmettik jelide 2 mln-nan astam oqyrmany bar.
Máselen Ońtsútik Koreialyq 11 bozbala IPO-ǵa shyqty. (Avt. - Big Hit Entertainment, BTS) Bizde iri munai komaniialary, «Qazaqmystyń» ózi IPO-ǵa shyǵa almaidy. Jańaǵy jigitter shyǵa aldy. Olar óz ainalasynda 100 shaqty kompaniia qurǵan. Ózderi án salmasa da mańailaryna óner adamdaryn toptasyra alady. Bireýi án salady, bireý sýret salady. Jyldyq tabysy 37 mlrd dollar», - dedi vitse-premer.
Jýrnalister tarapynan «Irina Qairatovnany» Úkimet qandai da bir joldarmen qarjylandyra ma degen saýal týyndady.
«Esh qarjylandyrmaidy. Almas Jali «Otyzdan asyp baramyn» filmin 8 mln-ǵa túsiredi, 100 mln etip qaityp alady. Olar bizden bir tiyn da surap otyrǵan joq. Jobalardy ózimiz jasap otyrmyz, sol jobalardy basqarýǵa olardy shaqyryp otyrmyn. Nege deseńiz ol azamattardy el biledi. Olar shyǵyp sóilegen basqa. Joba basshylyǵyna birde bir sheneýnikti qoiyp turǵanymyz joq», - dedi Eraly Toǵjanov.
Sondai-aq, elde kreativti indýstriia óz betimen damityn bolsa, erteń Úkimet mine, bizdiń arqamyz dep sátti jobalardy ádettegidei iemdenip ketpei me degen saýal qoiyldy.
«Jigittermen kezdeskende, aǵa bizge kómektesińizder, ǵimarat, múmkin jabdyqtar berý, jaǵdai jasaý kerek dedi. Olarǵa bóget jasamaýymyz kerek, tek jaǵdai týǵyzý kerek. Búginde qanshama jastar bar, ideialary bar, biraq iske asyra almaidy. Bireýge qondyrǵysyn ornalastyratyn 5-6 sharshy metr jer kerek. Másele osyda. Qazaqstanda álemdegi 30 myqty JOO-nyń qataryna kiretin aǵylshyn ýniversitetiniń bólimi ashylatyn boldy. Olarda kreativti indýstriia burynnan damyǵan. Ońtústik Koreiada da solai. Osy tájirbielerdi eskerip, baǵdarlama quryp jatyrmyz. Biz olardy (Avt.- IK men Almas Jali) sol úshin shaqyrdyq. Bir birimizge kómektesemiz», - dedi Toǵjanov.
«Halyqtyń tabysyn arttyrý» baǵdarlamasynyń bir ereksheligi Úkimet ár baǵytty basqaraýǵa hedlainerlerdi shaqyrǵan. Mysaly, «Baqytty otbasy» baǵytyn Yrza Tursynzada, Jastardy jumyspen qamtý baǵytyn Saiasat Nurbek, Aýylda kásipkerlikti damytýdy Eldar Jumaǵaziev moinyna alǵan. Bir aita keteri, Saiasat Nurbek jetekshilik etetin baǵyt boiynsha, mektepterde 7 synyptan bastap mamandyq tańdaýǵa baǵyttaityn arnaiy muǵalimder jumys isteitin bolady. Bul jastardyń óz qalaýyn túsinýge, erteńgi jumyssyzdyqtyń aldyn alýǵa sep bolady deidi.
Aýqymdy joba beisenbi kúni ár baǵyt jetekshileriniń qatysýymen tanystyrylady.
