Foto: Sputnik / Vladislav Vodnev
Alma TV internet arqyly habar taratý kezinde hakerlik shabýyl jasalǵanyn málimdedi, dep habarlaidy «Ult aqparat» Sputnik Qazaqstanǵa silteme jasap.
9 mamyrda analogtyq, tsifrlyq jáne spýtniktik teledidar qyzmetteri shtattyq rejimde istep turdy. Al saǵat 12:02-de internet-habar taratýda úzilister baiqaldy.
"Qyzmet provaiderinen alynǵan málimetterge sáikes, sátsizdikke kóp deńgeili kibershabýyl sebep boldy. Kompaniia mamandary oqiǵaǵa jedel áreket etip, servistiń jumysyn qalpyna keltirý úshin qajetti sharalardy qabyldady", - delingen resmi habarlamada.
Qazirgi kezde bul qyzmet tolyq qalpyna keltirildi jáne shtattyq rejimde jumys istep tur. Al kompaniia osy oqiǵadan týyndaǵan ýaqytsha qolaisyzdyqtar úshin keshirim surap otyr.
