Foto: Almaty ákimdigi
Alma Fest 2025 aiasynda fermerler rekord jańartty. Bir kúnniń ishinde 130 tonnadan astam alma satyldy. Bul sońǵy 15 jyldaǵy eń joǵary kórsetkish. Alma festivali Almatyda jyl saiyn Qala kúnine orai ótkiziledi, dep habarlaidy Ult.kz.
Jármeńkege 50-den astam baý-baqsha sharýashylyǵy qatysty. Olar ataqty aportty, kollektsiialyq suryptardy jáne taýda ósirilgen sirek býdandardy usyndy.
Festivalge 120 myńnan astam qala turǵyny men qonaq keldi. Qonaqtar úshin úsh úlken sahna men úsh shaǵyn alań jumys istedi. Onda kontsert, teatrlandyrylǵan qoiylym men sheberlik dáristeri ótti.
Ásirese, sheberler aimaǵy erekshe oryn aldy: 58 sheber aǵashtan, bylǵarydan jáne metaldan jasalǵan buiymdaryn kórsetti. Sonymen qatar 30-dan astam sýretshi kórermenderdiń kóz aldynda týyndylaryn saldy.
Qonaqtardyń jailylyǵy úshin tamaqtaný oryndary men sanitarlyq pýnktter uiymdastyryldy.
