34 jastaǵy áiel QR ÁQBtK-niń 127-baby 2-bóligi boiynsha ákimshilik jaýapkershilikke tartyldy, material sotqa jiberildi, dep habarlaidy Pavlodarnews.kz.
Oblystyq politsiia departamentiniń málimetinshe, Aqsý qalasynyń tártip saqshylary atalǵan faktini qorǵanshylyq organdary jáne jergilikti atqarýshy organdarmen birlesip, qolaisyz otbasylarǵa reid júrgizý barysynda anyqtaǵan.
- 27 tamyz kúni saǵat 18.45 shamasynda inspektorlar 2013, 2016 jáne 2021 jyldary týǵan úsh jas balasy bar áiel turyp jatqan páterge kire almady. Politseidiń suraǵyna balalardyń úlkeni anasy esikti syrtynan jaýyp, tańerteń ketip qalǵanyn aitqan. Balalardyń anasynyń ornalasqan jerin anyqtaý qiynǵa tústi. Politsiia qyzmetkerleri TJ qyzmetkerlerin shaqyryp, páterdiń aldyńǵy esigin ashty. Páterde balalar jalǵyz qalǵan, eń kishisi eki ailyq qana, - deidi departamentte.
Balalar ashyǵyp qalǵan, zattar barlyq jerde shashylǵan, tońazytqyshta alkogolden basqa túk bolmaǵan. Eki ailyq qyzǵa 8 jasar aǵasy pakettegi sút bergen.
Politsiia kórshilerden jaýap alǵan kezde olar bul otbasyndaǵy eresekter kishkentai balalardy uzaq ýaqyt jalǵyz qaldyratynyn aitqan.
- Politsiia qyzmetkerleri men qorǵanshylyq organdary balalardy otbasynan dereý alyp ketýge sheshim qabyldady. Barlyq balalar Pavlodar qalasynyń ómirlik qiyn jaǵdaiǵa tap bolǵan balalardy qoldaý ortalyǵyna ornalastyryldy. Anasy bolsa, úiine shamamen saǵat 23.00-de birge bóten erkekpen kelgen. Ol Pavlodar qalasyna aqsha tabý úshin ketkenin aityp túsindirgen. Áielmen birge turatyn adam buryn sottalǵan jáne ata-ana mindetterin oryndamaǵany úshin birneshe ret ákimshilik jaýapkershilikke tartylǵan, - dep atap ótti politsiiada.
Sondai-aq Pavlodar oblysynyń kámeletke tolmaǵandardyń isteri jónindegi mamandandyrylǵan soty áieldi jas balalaryna qatysty ata-ana quqyqtarynan aiyrýǵa talap aryz daiyndaidy. Ári qarai balalardyń taǵdyryn sot sheshedi.
Aita keterligi, aǵymdaǵy jyl basynan beri kámeletke tolmaǵandardy tárbieleý jónindegi mindetterin durys oryndamaǵany úshin 335 zańdy ókil jaýapkershilikke tartyldy.
