Áliia Nazarbaeva Qazaqstannyń ekologiialyq uiymdary qaýymdastyǵy prezidiýmynyń basshysy qyzmetinen ketti. Aqparatty Ekologiialyq uiymdar qaýymdastyǵynyń basqarma tóraiymy Aigúl Soloveva rastady, - dep habarlaidy Tengrinews.kz agenttigi.
"Iá, shynymen de, Áliia Nazarbaeva Qazaqstannyń ekologiialyq uiymdary qaýymdastyǵy prezidiýmynyń basshysy qyzmetinen ketti. Qańtardyń aiaǵynda ketken bolatyn. Al 4 aqpanda qaýymdastyq músheleriniń jalpy jinalysyn ótkizdik", - dedi Soloveva.
Áliia Nazarbaeva 2017 jyldyń qarashasynda Ekologiialyq uiymdar qaýymdastyǵy prezidiýmy basshysy bolǵan edi. Assotsiatsiianyń qamqorshylyq keńesin jasyl ekonomika boiynsha Nobel syilyǵynyń laýreaty Rai Kvon Chýng tanystyrǵan bolatyn.
