Búgin OKQ-de Qazaqstannyń ekologiialyq uiymdary qaýymdastyǵy tanystyryldy, dep habarlaidy "Ult aqparat".
Qaýymdastyq prezidiýmyna "Qoǵamdyq mańyzdy bastamalardy damytý qoryn" basqaratyn Áliia Nazarbaeva jetekshilik etedi. Qor ekologiia máselesimen de ainalysady. Qaýymdastyqtyń qamqorshylyq keńesine "jasyl ekonomika" boiynsha Nobel syilyǵynyń laýreaty, jasyldaný kontseptsiiasynyń avtory Rae Kvon Chýng endi.
Tanystyrylym barysynda qaýymdastyq prezidiýmynyń múshesi Saltanat Rahimbekova Áliia Nazarbaevanyń quttyqtaý sózin oqyp berdi.
"Qazaqstannyń ekologiialyq uiymdary qaýymdastyǵy júieli ekologiialyq bastamalardy qurý jáne ilgeriletý, "jasyl" ekonomikany nasihattaý alańyna ainalyp, ulttyń ekologiialyq etikasy men mádenietiniń qalyptasýyna, ekologiialyq bilim men tárbiege erekshe mán beredi. Ózindik retteý qaǵidattary negizinde ekologiia problemalary boiynsha memlekettik organdarmen etene bailanys ornatý óte mańyzdy. Bizdi qoǵamda ekologiialyq mádeniet qalyptastyrý boiynsha úlken jumys kútip tur. Biz birlesip qana aitarlyqtai mańyzdy nátijelerge qol jetkize alamyz. Osy sátti paidalanyp, qyzyǵýshylyq tanytqandardyń barlyǵyna esigimiz ashyq ekenin aitqym keledi. Barlyq ekologiialyq uiymdy kúsh-jigerimizdi biriktirýge shaqyramyn", — delingen quttyqtaý hatta.
Ekologiialyq uiymdar qaýymdastyǵy óz aldyna ekologiialyq bastamalar jáne olardy ilgeriletý alańyn qurý; halyqaralyq seriktestikti damytý, investitsiia tartý, halyqaralyq jobalar men baǵdarlamalarǵa qatysý, halyqaralyq sarapshylardy shaqyrý; "jasyl" tehnologiiany engizý, qalalardaǵy ekologiialyq infraqurylymdardyń damýy men innovatsiialardyń alǵa basýyna úles qosý; QR ekologiialyq máseleler boiynsha zańnamany jetildirý mindetterin qoiyp otyr.
